دراوڑ ناڈو

دراوڑ ناڈو (Dravida Nadu) جنوبی ایشیا وچ اک مجوزا مُلک ے جیہدا مطالبا اس خِطے دے لوک کر رہے نیں۔ ایہ بھارت دے جنوب وچ دراوڑی بولیاں دا خِطا اے۔

ابتدائی طور تے دراوڑ ناڈو دے حامیاں دا مطالبا صِرف تامل بولی آݪے علاقیاں تک محدود سی، لیکن بعد وچ ایہدا دائرا وسیع کرکے دراوڑی بولݨہاراں دی اکثریئت آݪیاں دوجیاں ریاستاں (آندھرا پردیش، تلنگانا، کیرلا، کرناٹک) نوں وی شامل کیتا گیا۔ مجوزہ خودمختار مُلک دے ہور ناماں وچ "دکن فیڈریشن" تے "دکشینا پاتھ" Dakshinapath شامل نیں۔

1980 دی دہائی وچ تامل ناڈو لبریشن آرمی نامی اک عسکریت پسند تنظیم نے دراوڑ ناڈو دے مطالبے نوں زندہ کیتا، جد انڈین پیس کیپنگ فورس (آئی پی کے ایف) نوں سری لنکا پعھیجیا گیا۔ 2017 وچ جد بھارتی وزارت ماحولیات، جنگلات تے موسمیاتی تبدیلی نے ذبح لئی مویشیاں دی فروخت اُتے پابندی دا نوٹیفکیشن جاری کیتا، تاں ریاست کیرلا دے ٹویٹر صارفین (جِتھے گاں دے گوشت دے پکوان مقبول نیں) نے #DravidaNadu ہیش ٹیگ نوں ٹرینڈ کرکے احتجاج کیتا۔ ہیش ٹیگ نوں تامل ناڈو وچ ٹویٹر صارفین دی حمایت وی حاصل ہوئی اے۔ جنوبی ہند دیاں ریاستاں دے کئی سربراہاں تے سیاست داناں نے مختلف ریاستاں وچ ٹیکس ریونیو دی تقسیم دے مرکزی حکومت دے انتظامات اُتے مایوسی دا اظہار کیتا۔ دراوڑ منیترا کزگم دے رہنما تے تامل ناڈو دے وزیر اعلا ایم کے سٹالن نے اک خودمختار مُلک دراوڑ ناڈو لئی اپݨی حمایت دا اظہار کیتا۔