دارا سنگھ

دارا سنگھ (دیدار سنگھ رندھاوا/ 19 نومبر 1928 – 13 جولائی 2012) دا جنم پنجاب دے امرتسر ضلعے دے دھرموچکّ پنڈ وچ ہویا۔ دارا سنگھ دے پیؤ دا نام صورتَ سنگھ اتے ماں دا نام بلونت کور سی۔ دارا سنگھ مہان پہلوان تے بالیوڈ اداکار سی 1954 وچ دارا سنگھ رستم-اے-پنجاب، رستم-اے-ہندم اتے بعد وچ رستم-اے-جہانم بنے۔ دارا سنگھ اگست 2003-اگست 2009 تک راج سبھا دے میبر وی رہے| دارا سنگھ جی اک نیک انسان سن۔

دارا سنگھ دارا سنگھ
جنم:	19 نومبر 1928 دھرموچکّ (برطانوی پنجاب، ہن امرتسر ضلع، بھارتی پنجاب)
موت:	12 جولائی 2012 ممبئی، مہاراشٹر، بھارت
شہریت:	بھارتی
بولی:	پنجابی
کتہ:	پہلوانی اتے اداکاری
انعام:	رستمے پنجاب رستمے ہند بھارتی سنمے دا فولادی بندہ

مڈھلا جیون

دارا سنگھ نوں گھر والے پیار نال داری کہہ کے بلاؤندے سن۔ دارا سنگھ دے پتا نہیں چاہندے سن کہ اوہناں دا بیٹا پہلوان بنے جدکہ دارا سنگھ دا رجھان بچپن توں ہی پہلوانی وچ سی۔ پتا دا مننا سی کہ پہلوان دے انتم دن بے حدّ پریشانی وچ گزردے ہن اتے اس نوں کافی پریشانیاں دا ساہمنا کرنا پیندا ہے۔ دارا سنگھ دے چاچے نے دیکھیا کہ بھتیجا پہلوانی کرنا چاہندا ہے تاں اوہناں نے اس نوں اتشاہت کیتا تے پہلوان بنایا۔ دارا سنگھ دے دو بھرا اتے اک بھین سی۔ بھین بچپن وچ ہی سورگواس ہو گئی سی۔ دارا سنگھ ہمیشہ نمّ دی داتن نال ہی دند صاف کردے سن۔ دارا سنگھ نوں غزلاں سنن دا شوق سی۔ دلیپ کمار تے پریم ناتھ دوویں اوہناں دی پسند دے ابھنیتا سن۔

٭دارا سنگھ دی پہلی پتنی توں اک بیٹا ہے۔ دوسری پتنی توں دو بیٹے تے تنّ بیٹیاں ہن۔

کشتیاں دا بادشاہ

دارا سنگھ دا جسا پورا سڈول اتے بھرواں سی۔ اوہناں دا قد 6 فٹ 2 انچ، بھار 132 کلو اتے چھاتی دا گھیرا 54 انچ سی۔ دارا سنگھ ناشتے وچ 20 چکن پیس، 20 آنڈے اتے 5 لٹر دودھ پیندے سن اتے بھاویں کجھ وی ہو جاوے کسرت اوہ روزانہ کردے سن۔ عنہ نے اپنے جیون کال وچ کشتیاں اتے فلما وچ نام کھٹیا۔ 1946 وچ جدوں اوہ سنگاپور گئے تاں ادوں صرف پنجابی بھاشا ہی جاندے سن اس کارن اوہناں نوں بے حدّ پریشانی ہوئی اتے اوہناں نے ترنت ساریاں بھاشاواں سکھن دا فیصلہ لیا۔ اوہناں نے 500 تو زیادہ کشتیاں وچ بھاگ لیا۔ کشتی جگت وچ پہلوان دارا سنگھ نے کئی سنسار چینپیئناں نوں ٹکر دتی۔ دارا سنگھ اتے سنسار وجیتا کنگ کانگ وچکار ہوئی کشتی پوری دنیا 'چ مشہور ہوئی۔ اپنے جیون کال دوران چین تو بنا کشتیاں نال سمبندھت باقی سارے دیساں دی یاترا کیتی۔

دارا سنگھ اتے فلماں

دارا سنگھ نے ہندی، پنجابی، گجراتی، ہریانوی، ملیالم اتے تمل فلماں وچ کم کیتا اتے 9 فلماں دا نردیشن خود کیتا۔ کجھ فلما اس پرکار نے ...
دھیانُ بھگت (1978)
سوا لکھ سے ایک لڑاؤ (1976)
جےَ بجرنگ بلی (1976)
لمبڑدارنی (1976)
راکھی اور رائفل (1976)
دھرم کرم (1975)
دھرماتما (1975)
وارنٹ (1975)
بھگت دھنا جٹّ (1974)
دکھ بھنجن تیرا نام (1974)
بھگت دھنا جٹّ (1974)
میرا دیش میرا دھرم (1973)
آنکھوں آنکھو میں (1972)
ہرِ درشن (1972)
للکار (1972)
میلے متراں دے (1972)
سلطانہ ڈاکو (1972)
نانک دکھیا سبھ سنسار (1970)

دارا سٹوڈیو

پنجابی فلم جگت وچ دارا سنگھ دی بہت دین ہے۔ 1978 وچ اوہناں نے موہالی وچ دارا سٹوڈیو دا نرمان کیتا۔

جیونی

دارا سنگھ دے جیون نال سمبندھت کتاب دارا سنگھ میری آتمکتھا 1993 پروین پرکاشن نے چھاپی۔ اس وچ جیون گھٹناواں دا ورنن ہے۔