فینول (ٹبر)
فینول (ٹبر) کیمیائی کمپاؤنڈاں دا اک ٹبر ایہ جیدے وچ اک ہائیڈروکسل گروپ (-OH) کسی ارومیٹک ہائیڈروکاربن نال جڑیا ہوندا اے۔ ایناں چوں سب توں سادہ کمپاؤنڈ فینول اے جینوں کاربولک تیزاب C6H5OH وی کیندے نیں۔ فینول ٹبر دی اگے ونڈ مالیکیول چ فینول گنتی دے لحاظ نال ہوندی اے۔ اس ٹبر نوں ارینول یا ارئل الکوحل وی کیا جاندا اے۔ فینول ٹبر دے کمپاؤنڈاں وچ 2 یا 2 توں زیادہ ہائیڈروکسی گروپ ارومیٹک چھلے نال جڑے ہوسکدے نیں جنج بینزین ڈائول ٹولی۔
فینولاں الکوحلاں نال رلدیاں ہوندیاں نیں مگر ایناں دی خوبیاں وکھریاں نیں تے الکوحلاں وچ ہائیڈروکسل گروپ سیچوریٹڈ کاربن ایٹماں نلا جڑیا ہوندا اے۔ ایناں دے مالیکیول چ ارومیٹک چھلے دی آکسیجن ایٹم اتے زور دی کچھ تے آکسیجن تے ہائیڈروجن وشکار کمزور جوڑ دی وجہ توں ایہ کافی تیزابی ہوندیاں نیں۔ ایناں دے ہائیڈروکسل گروپ دی تیزابیت الیفیٹک الکوحلاں توں زيادہ تہ کاربوکسلک تیزاب توں کٹ ہوندی اے (ایناں دی pKaتقریبا 10 تے 12 دے وشکار ہوندا اے)۔
جانداراں چ فینولاں کج خاص مسلیاں یا ویلیاں چ بندیاں نیں جنج بیماری یا کیڑیاں دا حملہ، الٹراوائلٹ تابکاری یا زخمی ہونا۔ ایہ کئی انسانی کھانے تے بوٹیاں چ وی پاۓ جاندے نیں تے ایناں نوں کئی لوک دوائیاں چ وی ورتدے نیں۔ اس لئی ایناں دا انسانی صحت تے بیماریاں چ ہتھ بارے ہور جانکاری لبی جارئی اے۔ کج فینول بیکٹیریا نوں ماردیاں نیں اس لئی ایناں نوں جراثیم مار وچ ورتیا جاندا اے۔