جوہر (انگریزی: Atom) کسے وی چیز دی مڈھلی نیو اے۔ جوہر دے وشکار نویہ تے نویہ دے آلے دوالے برقیہ چکر کٹدے نیں۔ برقیاں تے منفی چارج ہوندا اے۔ جوہر دے نویہ وچ پوزیٹو چارج والے اولیہ تے نیوٹرل چارج والے تعدیلہ ہوندے نیں۔ اک جوہر 0.1 توں 0.5 نینو میٹر تک چوڑا ہوسکدا اے۔ جوہر بہت ای نکے ناپ دے ہوندے نیں تے کسے اک جوہر نوں خاص ول نال ای ویکھیا جاسکدا اے۔ 99.9% جوہر اوہدے نویہ اچ ہوندا اے جیہدے وچ اولیاں تے تعدیلاں دا جوکھ نیڑے نیڑے اکو جیہا ہوندا اے۔ اک جوہر دے برقیہ برقناطیسیت (electromagnetic) زور نال اوہدے نویہ نال بجے ہوندے نیں۔ جوہراں دی اک ٹولی رل کے مالیکیول بناندی اے۔ اک جوہر جیہدے وچ اکو جیڈے برقیہ تے اولیہ ہوون اوہ نیوٹرل ہوندا اے۔ برقیہ بوہتے ہوون تے منفی چارج، تھوڑے ہون تے مثبت چارج ہوندا اے تے ایہو جیہے جوہر نوں آئن کہندے نیں۔ کسے جوہر اچ اولیہ نال اوہدے عنصر دا پتہ لگدا اے تے تعدیلہ نال ہمجا دا پتہ لگدا اے[۱]۔

شمصر دا ایٹم

ایٹم یونانی بولی چوں آیا اے جیہدا مطلب اے اینج دی چیز جیہدے ہور ٹوٹے نہ کیتے جا سکن۔

تریخ سودھو

 
مادے دیاں پدھراں:
1. عام دسن والا
2. مالیکیولی پدہر
3. ایٹمی پدھر – پروٹان, نیوٹران, تے الیکٹران
4. – الیکٹران
5. ایٹم توں تھلویں پدھر – کوارک
6. انت پدھر

2400 ورے پہلے یونانی فلسفی ڈیموکریٹس نے ایٹم دا بول [۲] ورتیا۔ 1661 چ رابرٹ بوائل نے اے گل آکھی جے مادہ نکے نکے ایٹماں نال بندا اے ناں کے کلاسیکی پرانی سوچ پاروں ہوا، پانی، مٹی تے اگ نال بندا [۳] اے۔ 1789 چ فرانس دے لیوائزر نے مادے دے بچن دا قنون لبیا تے ایہ گل آکھی جے عنصر مادے دا مڈ اے تے اینوں کیمسٹری دے کسے ول ناں توڑیا نئیں جاسکدا[۴]۔ 1805 چ انگریز سینسدان جان ڈالٹن نے اپنی ایٹمی تھیوری چ ایٹماں دے نویکلے ہون دی دس [۵] دتی۔ ڈالٹن نوں نویں ایٹمی تھیوری دا موڈی سمجیا جاندا [۶] اے۔ 1827 چ رابرٹ براؤن نے مائکروسکوپ چ ویکھیا جے پانی چ مٹی دے ذرے الٹے پلٹے ٹردے نیں ایس ٹرن نوں براؤنی ٹور کیا جاندا اے۔ پر ہجے تک کسے نوں ایٹم دے ناپ دا پتہ نئیں سی۔

1865 چ یوہان جوزف لوخشمت نے مالیکیولاں نوں پہلی واری ناپیا۔ 1869 چ دمتری مندلیف نے پیریاڈک ٹیبل چھاپی جیدے ج ایہ گل دسی گئی جےایٹمی نمبر اک سید چ آندے نیں۔ 1905 چ ایلبرٹ آئینسٹائن نے براؤنین موومنٹ نوں میتھمیٹکس نال دسیا۔ فرانسیسی فزکس گرو یان باپٹسٹے پیرن نے ایلبرٹ آئینسٹائن دے کم نوں ورتدیاں ہویاں ایٹماں دا سعاب کتاب لایا تے اینج جان ڈالٹن دی تھیوری نوں سچیاں کیتا۔

فزکس گرو جے جے تھامسن نے 1897 چ کیتھوڈ رے تے کم کردیاں ہویاں الیکٹران لبے تے ایہ گل آکھی جے ایہ ہر ایٹم چ ہوندے نیں تے اینج اے سوچ الٹ دتی جے ایٹم انونڈے جان والے انگ تے مادے دا انت نیں۔ تھامسن نے اے سوچ وی دتی جے الیکٹران تھوڑے وزن والے تے نیگیٹو چارج والے ہوندے نیں جیہڑے ایٹم دے دوالے کمدے نیں تے ایناں دا نیگیٹو چارج کسے پوزیٹو چارج نال برابر ہوندا [۷] اے۔

 
ردرفورڈ ماڈل

1909 چ ہانز گیگر تے ارنسٹ مارسڈن نے ارنسٹ ردرفورڈ دے تھلے کم کردیاں ہویاں سونے دے پتلے پنے تے ایلفا پارٹیکل دی بمباری کیتی جناں نوں اوس ویلے پوزیٹولی چارجڈ ہیلیم ایٹم کیا جاندا سی تے اے گل ویکھی گئی جے کج ایٹم پنے نال ٹکران مگروں وڈے موڑ نال مڑ رۓ سن۔ ردرفورڈ نے ایس توں ایٹم دا ایہ نقشہ سوچیا جے ایٹم دے اندر اک نیوکلیس اے جتھے ایٹم دا چوکھا وزن اے جیدے تے پوزیٹو چارج اے تے اے ایٹم دا گڑھ اے۔ ایس نقشے نوں ردرفورڈ ماڈل[۸] کیا گیا۔

 
بوہر ماڈل وچ ہائیڈروجن دا اک ایٹم، اک الیکٹران اپنے پکے ران نوں چھال مار کے چذڈدا اے تے فوٹون دی دی مورت وچ انرجی کڈریا اے۔ھڈ کے

1913 چ ریڈیو ایکٹو ڈیکے تے کم کردیاں ہویاں ریڈیو کیمسٹ فریڈرک سوڈی نے اے گل لبی جے اینج لگدا اے جے پیریاڈک ٹیبل دی ہر تھاں تے اک توں بعوتے ورگے ایٹم ہوندے نیں۔ فریڈرک سوڈی دی اک ساک مارگریٹ ٹوڈ نے ایہوجے وکھرے ایٹماں نوں آئیسوٹوپ دا ناں دتا جناں دا جوڑ اک عنصر نال ہوندا [۹] اے۔۔ 1913 چ ایٹمی سینسدان نیلز بوہر نے اے دسیا جے الیکٹران نیوکلیس دے دوالے پکیاں راہواں تے ٹردے نیں تے دوجے دی راہ وچ ازادی نال نیں آندے تے اگر اوہ اینج کردے نیں تے چھال مارکے کردے نیں۔ اک الیکٹران جدوں اپنیاں راہواں نوں بدلدا اے تے انرجی کڈدا یا لیندا [۱۰] اے۔

ایٹماں دے وشکار کیمیائی جوڑ جناں نوں 1916 چ گلبرٹ لیوس نے دسیا اے ایٹماں دے الیکٹراناں دے آپسی میل جول نال ہوندے [۱۱] نیں۔ پیریاڈک قنون باجوں ایٹماں دیاں خصوصیات دہراندیاں [۱۲] نیں۔ 1919 چ امریکی ارونگ لینگمر نے ایس گل نوں اگے وداندیاں ہویاں ایہ آکھیا جے اے گل تاں ای ہوسکدی اے جے ایٹم دے اندر الیکٹران کسے ڈھنگ نال کٹھے یا جڑے ہون۔ تے الیکٹراناں دیاں ٹولیاں نیوکلیس دے دوالے پکیاں راواں تے چکر لاندیاں نیں۔

1922 چ سٹرن گرلاخ تجربے نیں ایٹم دی کوانٹم نیچر دی گل نوں پکیاں [۱۳] کردتا۔ 1924 چ لوئی دوبروی نے اے راۓ دتی جے سارے پارٹیکلز کچھ پینڈے تک چھلاں وانگوں ہوندے نیں۔ ارون شروڈنگر نے 1926 چ ایس سوچ نوں اگے وداندیاں ہویاں ایٹم دا اک میتھمیٹیکل ماڈل بنایا جیدے چ الیکٹران تن موئي چھل وانگوں سن۔ پارٹیکلز نوں چھل وانگوں دسن دا اے نتارا نکلیا جے کسے اک پارٹیکل دا کسے خاص ویلے چ اودا مومنٹم تے اودا خاص تھاں لبناں اوکھا ہوگیا تے ایس گل نوں کچ پک اصول کیا گیا جینوں 1926 چ ورنر ہائسنبرگ نے دنیا اگے رکھیا[۱۴][۱۵]۔

 
اک سادہ ماس سپیکٹرومیٹر

فرانسس ولیم آسٹن نے ماس سپیکٹرومیٹری نال 1922 چ ایٹماں نوں جوکھن دا ٹھیک ول کڈیا[۱۶]۔ جیمز چیڈوک نے 1932 چ ایٹم دے اندر نیوٹران لبیا جیدے تے کوئی چارج نیں سی۔ آئیسوٹوپ فیر ایسے عنصر سن جناں دے نیوکلیس چ پروٹاناں دی گنتی اک سی پر نیوٹران وکھری گنتی دے سن[۱۷]۔

1938 چ جرمن کیمسٹ اٹو ہاہن نے جیہڑا ردرفورڈ دا شگرد سی یورینیم دے ایٹماں تے نیوٹران نال بمباری کیتی اوہ لب تے کج ہور ریا سی پر ایس کم چ بیریم دے ایٹم بنے۔ اے نیوکلیس نوں توڑن دا پہلی واری کم سی تے ایس تے اونوں 1944 دا کیمسٹری دا نوبل انعام ملیا[۱۸]۔

ایٹم دے مُڈھلے انگ سودھو

پہلے توں ایہہ سوچ سی پٸی ایٹم نوں توڑیا نیں جاسکدا تے ایٹم دا ایہو ای مطلب سی پر ہن ایہہ کرکے ویکھیا جا چکیا اے پٸی ایٹم نوں توڑیا جاسکدا اے۔ ایٹم دے وچ کئی مڈھلے سنگی نیں : الیکٹران، پروٹان، نیوٹران۔ ہائیڈروجن ایٹم وچ کوئی نیوٹران نئیں ہوندا تے پازیٹو ہائیڈروجن آئن وچ کوئی الیکٹران نئیں ہوندا۔

الیکٹران بھار وچ سب توں نکا اے تے ایہدے تے نیگیٹو چارج اے۔ 9.11×10−31 کلوگرام ایہدا بھار اے[۱۹]۔

پروٹان تے پوزیٹو چارج ہوندا اے تے ایہ الیکٹران توں 1836 گنا بھارا ہوندا اے۔ 1.6726×10−27 کلوگرام ایہدا بھار اے[۲۰]۔

الیکٹران سب توں ہلکا حصہ اے جیہدے تے نیگیٹو چارج ہوندا اے تے ایہ 9.11×10−31 کلوگرام وزن دا ہوندا اے۔ ایہ ایہنے نکے نیں کہ عام طریقے نال ناپے نئیں جاسکدے۔ پروٹان تے پوزیٹو چارج ہوندا اے تے ایہ الیکٹران توں 1836 گنا بھارا ہوندا اے۔

پروٹان تے نیوٹران کجھ مڈھلے ذریاں نال رل کے بنے ہوندے نیں جنہاں نوں کوارک کہندے نیں۔ کوارک ذریاں دی اک ٹولی فرمیون دا حصہ نیں تے ایہ مادے دے دو مڈھلے انگاں وچوں اک نیں دوجا انگ لیپٹن نیں لیپٹن دا ادھارن الیکٹران نیں۔ کوارک چھے ونڈاں دے ہوندے نیں تے اوہناں تے بجلی چارج ہوندا اے۔ پروٹان دو اپ کوارک تے اک ڈاؤن کوارک نال بندا اے۔ نیوٹران اک اپ کوارک تے دو ڈاؤن کوارک نال بندا اے۔ ایس فرق پاروں ای ایہناں دو ذریاں وچ وزن تے چارج دا فرق ہوندا اے۔ تکڑی نیوکلیائی طاقت نال ایہناں کوارکاں نوں کٹھیاں رکھیا جاندا اے تے ایس طاقت نوں ورتن لئی گلؤن ورتے جاندے نیں[۲۱]۔

نیوکلیس سودھو

 
ایٹمی فیوژن

نیوکلیس ایٹم دے گڑھ وچ اک نکی جئی تھاں اے جتھے پروٹان تے نیوٹران ہوندے نیں ایناں نوں کٹھیاں نیوکلیون کیندے نیں۔ ایہ نیکلیون اک تکڑی نیوکلیائی طاقت نال بنے ہوندے نیں۔ تھوڑے پینڈے تے ایہ طاقت بہت تکڑی ہوندی اے تے الیکٹروسٹیٹک طاقت نالوں وڈی ہوندی اے جیہڑی پوزیٹو چارج والے پروٹاناں نوں پرے کردی [۲۲] اے۔

اک عنصر دے ایٹماں وچ اکو جنے پروٹان ہوندے نیں جینوں اوس عنصر دا ایٹمی نمبر کیندے نیں۔ اک عنصر وچ نیوٹراناں دی گنتی وکھری ہوسکدی اے جس توں اوس عنصر تے آئسوٹوپ دا پتہ لگدا اے۔ پروٹاناں تے نیوٹراناں دی کل گنتی نیوکلائیڈ اخواندی اے۔

نیوکلیس وچ پروٹاناں تے نیوٹراناں دی گنتی نوں تھوڑا یا ود کیتا جاسکدا اے۔ ایٹمی فیوژن اودوں ہوندا اے جدوں کئی ایٹمی زرے رل کے اک پعارا نیوکلیس بناندے نیں۔ نیوکلیائی فشن ایس توں الٹا کم اے ایدے وچ ایٹمی نیوکلیس ٹٹ کے نکے نیوکلساں وچ ونڈیا جاندا اے۔ نیوکلیس وچ تبدیلی ایدے تے زور والے نکے ایٹمی زریاں یا فوٹان نال بمباری کرکے کیتی جاسکی اے تے اینج ایہ ایٹم اک ہور کیویائی عنصر وچ پلٹ جاندا اے[۲۳][۲۴].

الیکٹران بدل سودھو

الیکٹران نیوکلیس دے دوالے چکر کٹدے نیں پر ایہ اک چھل وانگوں چکر کٹدے نیں۔ نیوکیلیس ایناں نوں الیکٹرومیگنیٹزم باجوں اپنے ول کھچدا اے۔ الیکٹراناں تے منفی تے نیوکلیس تے پازیٹو چارج ہوندا اے۔ ایہ نئیں بجیا جاسکدا جے کسے ویلے اک الیکٹران کتھے ہووے گا۔ الیکٹران اک زرے وانگوں تے اک چھل وانگوں ریندا اے۔ ایہ نیکلیس دے دوالے اچیچے جکراں وچ کمدا اے پر ایہ چکر تن راہے ہوسکدے نیں۔ اینج نیوکیلیس دے دوالے اک بدل بنیا لکدا اے۔

مورت تے ناپ سودھو

ایٹم دی برلی کوئی اچیچی ولگن نئیں ہوندی ایناں دے ریڈیس توں ایہ ناپ بارے کج پتہ لکدا اے۔ پیریاڈک ٹیبل تے تھلے ول جاۓ تے ایٹم دا جوکھ وددا اے ہیلیم دا ریڈیس توں سیزیم دا ریڈیس ود اے۔ اک انسانی وال وچ دس لکھ کاربن دے ایٹم چوڑے پاسے تے ہو سکدے نیں۔

ایٹم دی ٹٹ پج سودھو

ایسے ایٹم جناں وچ اک توو زیادہ آئئسوٹوپ ہون اوہناں وچوں زرے یا الیکٹرومیکنیٹک چھل نکلدی اے۔ اینج ایٹم وچ ٹٹ پج ہوندی اے۔

انرجی پدھراں سودھو

 

کسے ایٹم دی نیوکلیس دے دوالے کمدے الیکٹرانان وچ اچیچا زور ہوندا اے. ایہ زور اوہناں دے نیوکلیس دے دوارے چکر کٹن دی راہ نال جڑیا ہوندا اے۔ ایہ راہ اسیں انرجی پدھران کیہ سکنے آں۔




اتہ پتہ سودھو

  1. Leigh, G. J., ed. (1990). International Union of Pure and Applied Chemistry, Commission on the Nomenclature of Inorganic Chemistry, Nomenclature of Organic Chemistry – Recommendations 1990. Oxford: Blackwell Scientific Publications. p. 35. ISBN 0-08-022369-9. "An atom is the smallest unit quantity of an element that is capable of existence whether alone or in chemical combination with other atoms of the same or other elements."
  2. Ponomarev 1993, pp. 14–15
  3. Siegfried 2002, pp. 42–55
  4. "Lavoisier's Elements of Chemistry". Elements and Atoms. Le Moyne College, Department of Chemistry. Retrieved 2007-12-18.
  5. Dalton 1808
  6. Roscoe 1895, pp. 129.
  7. "J.J. Thomson". Nobel Foundation. 1906. Retrieved 2007-12-20.
  8. Rutherford, E. (1911). "The Scattering of α and β Particles by Matter and the Structure of the Atom". Philosophical Magazine 21: 669–88.
  9. "Frederick Soddy, The Nobel Prize in Chemistry 1921". Nobel Foundation. Retrieved 2008-01-18.
  10. Bohr, Niels (11 December 1922). "Niels Bohr, The Nobel Prize in Physics 1922, Nobel Lecture". Nobel Foundation. Retrieved 2008-02-16. ^ Pais 1986, pp. 228–230
  11. Lewis, Gilbert N. (1916). "The Atom and the Molecule". Journal of the American Chemical Society 38 (4): 762–786. DOI:10.1021/ja02261a002
  12. Scerri 2007, pp. 205–226.
  13. Scully, Marlan O.; Lamb, Willis E.; Barut, Asim (1987). "On the theory of the Stern-Gerlach apparatus". Foundations of Physics 17 (6): 575–583. Bibcode 1987FoPh...17..575S. DOI:10.1007/BF01882788.
  14. Brown, Kevin (2007). "The Hydrogen Atom". MathPages. Retrieved 2007-12-21.
  15. Harrison, David M. (2000). "The Development of Quantum Mechanics". University of Toronto. Archived from the original on 25 December 2007.
  16. Aston, Francis W. (1920). "The constitution of atmospheric neon". Philosophical Magazine 39 (6): 449–55.
  17. Chadwick, James (December 12, 1935). "Nobel Lecture: The Neutron and Its Properties". Nobel Foundation. Retrieved 2007-12-21
  18. "Otto Hahn, Lise Meitner and Fritz Strassmann". Chemical Achievers: The Human Face of the Chemical Sciences. Chemical Heritage Foundation. Archived from the original on 24 October 2009. Retrieved 2009-09-15.
  19. Demtröder 2002, pp. 39–42.
  20. Woan 2000, p. 8.
  21. Schombert, James (April 18, 2006). "Elementary Particles". University of Oregon. Retrieved 2007-01-03.
  22. Pfeffer 2000, pp. 330–336.
  23. Staff (March 30, 2007). "ABC's of Nuclear Science". Lawrence Berkeley National Laboratory. Archived from the original on 5 December 2006. Retrieved 2007-01-03.
  24. Makhijani, Arjun; Saleska, Scott (March 2, 2001). "Basics of Nuclear Physics and Fission". Institute for Energy and Environmental Research. Archived from the original on 16 January 2007. Retrieved 2007-01-03.