کیتھوڈ رے
کیتھورد شعاعواں (جنہاں نوں الکیٹرون بیم یاں ای بیم وی آکھیا جاندا اے) الیکٹروناں دا بہاؤ ہندا اے جسنوں ویکیوم ٹیوباں چ دیکھیا جاناے ۔ ویکیوم ٹیوباں ، ہوا توں بغیر شیشے دیاں نالیاں ہندیاں نیں جنہان چ گھٹو گھٹ دو الیکٹروڈ لگے ہندے نیں ، جنہاں چ وولٹیچ ہندی اے ، کیتھورڈ یاں منفی الیکٹروڈ تے اینوڈ یاں مثبت الیکٹروڈ ۔ اس دا سبتوں پہلے مشاہدہ جرمن طبعات دان جوہان ہٹورف نے 1869ء چ کیتا تے 1876ء چ ایوگین گولدسٹین نے اس دا ناں کیتھوڈ رے رکھیا ۔ پرانی ٹیکنالوجی دے ٹیلی ویژناں اتے مورتاں کیتھورڈ رے ٹیوباں راہیں بندیاں سن ۔