حسب حال
| حسب حال | |
|---|---|
| قسم | کامیڈی کامیڈی سکیچ طنز سیاسی طنز |
| ہدایت کاری | خُرم شہزاد |
| پیشکار | فرید رئیس |
| ستارے | سہیل احمد |
| دیس | پاکستان |
| بولی | اردو پنجابی |
| قسطاں | 3000+ |
| پروڈکشن | |
| Editor(s) | عمران کاظمی |
| دورانیہ | 42 منٹ |
| ریلیز | |
| اصل نیٹورک | دنیا نیوز |
| اصل ریلیز |
۹ جنوری ۲۰۰۹ء |
حسب حال (Hasb-e-Haal) پاکستانی ٹی وی چینل دنیا نیوز اُتے نشر ہوݨ آلا سیاسی مخولیا پروگرام اے۔ ایہدا آغاز 2009ء وچ ہویا۔ ایہدے میزبان فرید رئیس نیں۔ سہیل احمد مختلف کردار ادا کر دے نیں۔ 2014ء توں امانت چن، نواز انجم تے گوگا شو وچ شامل نیں۔
کاسٹ
سودھومیزبان
- فرید رئیس (2023ء-تاحال)
اداکار
- سہیل احمد، بطور عزیزی تے مُختلف کردار
- امانت چن، بطور غوری تے مُختلف کردار
- نواز انجم، بطور تھیلا تے مُختلف کردار
- رانا محمد رمضان بطور گوگا تے مُختلف کردار
- جیا دلنواز، (شریک میزبان) (2016ء توں)
سابق مِمبران
- آفتاب اقبال (میزبان) (2009ء-2010ء)
- جنید سلیم (میزبان) (2010ء-2023ء)
- ناجیہ بیگ (شریک میزبان) (2009ء-2016ء)
تصور
سودھوحسب حال کدا بنیادی تصور آفتاب اقبال نے دِتا سی جو عزیزی دے ناں نال اپݨے مخولیا کالم وچ کردار وضع کر دے سی۔ حسبِ حال دے پہلے میزبان آفتاب اقبال سی۔ 2010ء توں 2023ء تک جنید سلیم ایس پروگرام دے میزبان رہے۔ 2023ء توں فرید رئیس ایہدی میزبانی دے فرائض سرانجام دے رہے نیں۔
مقاصد
سودھوپروگرام وچ عام طور تے معاشی تے معاشرتی مسائل نوں مخولیا انداز وچ زیر بحث لیایا جاندا اے۔ سہیل احمد بطور عزیزی کردار ادا کردے نیں۔ سیاسی معاملات نوں طنزیا انداز وچ پیش کر کے ناظرین نوں محظوظ کیتا جاندا اے۔
اثرات
سودھوحسبِ حال دی شہرت توں بعد کئی ٹی وی چینلاں نے ایس قِسم دے پروگراماں دا آغاز کیتا۔
پروگرام دے حِصے
سودھوپروگرام دے درج ذیل حصے نیں:
- ادب پارے
- بیت بازی
- حسب ماضی
- حسب ڈاک
- انٹرویو
- خبراں اُتے تبصرہ
- مُخبریاں
- آف بیٹ حسب حال
- سیاسی فلم
- تو تو میں میں
پیروڈی
سودھوعزیزی مختلف سیاسی تے سماجی شخصیات دا روپ تعھار کے اوہناں دی پیروڈی کردا اے۔ کچھ پیروڈیز درج ذیل نیں:
| فیکا | فیکا، اک غریب خاندان دا فرد اے جیہنوں اپݨی ضروریاتِ زندگی لئی مشکلات دا سامݨا اے ۔ فیکے دی صورت وچ سہیل احمد معاشرے دے تھللے طبقے دی عکاسی کردے نیں ۔ |
|---|---|
| پی-کیو-این | مکمل نام پرویز قیصر نصیر اے جیہڑا اک بدعنوان سیاست دان اے۔ عام طور تے انتخابات تے جلسےآں دے موضوع زیرِبحث اوندے نیں۔ |
| دیما | دیما دراصل اک بیمار شخص اے جیہنوں اس ویلے بلایا جاندا اے جد کِسے خاص موقعے تے کوئی خاص بیماری لاحق ہُندی اے۔ |
| زی-وی-ایس | زی-وی-ایس، اک فیشن ڈیزائنر اے جیہڑا جِدّت نوں پسند کردا اے تے اوہ پراݨے خیال دے لوکاں نوں ناپسند کردا اے۔ |
| عامل بابا | عامل بابا دراصل اک جعلی عامل نیں جیہدے ذریعے عزیزی جعلی عاملاں دا پردا فاش کردے نیں۔ |
| ماسٹر مجید | ماسٹر مجید، اک سکول دے استاد نیں، اوہناں نوں امتحاناں تے نتیجےآں دے اعلانات ویلے بلایا جاندا اے۔ |
| مِسٹر مائیکل | مِسٹر مائیکل، اک انگریز نیں جو پاکستان نوں دتی جاݨ آلی امریکی امداد دے بَل بوتے تے رعب جموندے نیں ۔ |
| سریلے خاں | سریلے خاں، اپݨے معاوناں دے نال تشریف لیوندے نیں ۔ اوہ اپݨے راگ دے ذِریعے ناظرین و سامعین نوں محظوظ کردے نیں۔ |
| ایس-ایچ-او | ایس-ایچ-او صدیق، پولیس دی نمائندگی کردا اے ۔ پولیس دی نااہلی، بے ایمانی تے مسائل زیرِ بحث اوندے نیں۔ |
ایہدے توں علاوہ بہت سارے سیاست داناں تے مشہور شخصیات دی پیروڈی وی کیتی جاندی اے۔