حتی
حتی ایشیائے کوچک دی اک قدیم قوم سی ، جس نے 14ویں یاں 15ویں صدی قبل مسیح اچ موجودہ ترکی دے علاقیاں اچ اک عظیم سلطنت دی بنیاد رکھی ۔ ایہناں دا ذکر انجیل اچ وی آئیا اے ۔ اینہاں دی حکومت دی بنیاد جاگیردارانہ سی ، جس وچ زنانی حکمرانی نئیں کر سکدی سی ۔ گھراں اچ ڈیڑھی بنان دا رواج وی اینہاں نے شروع کیتا ۔ ایہہ لوک سلام کرن ویلے مٹھی میچ کے نازی جرمنی دے نازیاں وانگوں اک بانہہ اگے ودھاندے سن ۔ حتی اک جنگجو قوم سی تے 7ویں صدی قبل مسیح چ ایہہ قوم بھوئیں (زمین) توں الوپ (ختم) ہوگئی ۔ انسانی نسلاں دا مطالعہ کرن آلے ماہراں دا خیال اے لمبی نک جیہڑی کہ یہودیاں دی اچیچی نشانی سمجھی جاندی اے ، اصل اچ یہودیاں وچ حتی لوکاں دی نشانی اے ، جیہڑی کہ اینہاں دے آپسی ملاپ نال یہودیاں اچ آئی ۔
