جھلار
جھلار، وَگدے ہوئے پاݨی، کھاݪے، رجواہے، نہر، ندی تے دریا وغیرَہ وِچّوں پاݨی چک کے اُچّے تھاں تَک پہن٘چاؤݨ دا قدیم نظام اے، جیہدا مقصد آبپاشی یا آبادی نوں پاݨی فراہم کرنا ہوسَکدا اے۔ جھلار دے برعکس رہٹ ناݪ کھوہ وِچّوں پاݨی کڈّھیا جان٘دا اے۔ عام طور تے بوݪد، کھوتے یا اونٹھ نوں جوت کے جھلار نوں چلایا جان٘دا اے جیہڑے گوݪ چکّر وچ گُھمّ کے اوہنوں چلاؤن٘دے نیں۔ ایس توں علاوَہ پیٹر اِنجݨ ناݪ وی جھلار نوں چلایا جاسَکدا اے۔
Tardieu_Am%C3%A9d%C3%A9e_bpt6k6209333w_621.jpg)
جھلار ناݪ نوریا ون٘گوں وَگدے ہوئے پاݨی نوں اُتّے چکّیا جاندا اے، پَر نوریا نوں چلاؤݨ لئی وَگدے پاݨی دی حرکیاتی توانائی نوں بروئے کار لیایا جان٘دا اے تے جھلار نوں چلاؤݨ واسطے جانوراں یا پیٹر اِنجݨ دی مدد لئی جان٘دی اے۔
جھلاری نظام ناݪ کھاݪے، رجواہے، نہر، ندی تے دریا وغیرَہ وِچّوں براہ راست وی پاݨی چکّیا جاسکدا اے تے ایہناں دے کنڈّھے اُتے کھوہ پَٹّ کے اوہدے اُتّے جھلار لا کے کھوہ جمَع شُدَہ پاݨی نوں کَڈّھ کے وی اگّے آبپاشی واسطے بھیجّیا جاسَکدا اے۔
جھلار وچ اک کھوکھݪا عمودی پہیئّا ہُن٘دا اے جیہدے اُتّے ٹنڈاں، لوٹے، بالٹیاں یا دھاتّی پھٹّے لگّے ہُندے نیں، عمودی پہیئّا پاݨی وچ گُھمّدا اے تے پہیئّیاں ناݪ لگّے برتݨاں دے ذِرِیعے تھلّوں پاݨی اُتّے نوں چکّیا جان٘دا اے۔
.jpg)
