جسٹن ٹروڈو کینیڈا دے وزیر اعظم ہن۔ 44 سالاں دی عمر وچ وزیر اعظم بن گئے سی۔ اوہ پاپینو (مانٹریال) حلقے توں لگاتار تیسری وار پارلیمنٹ میمبر بنے ہن۔ تریخی پکھ توں دیس وچ سبھ توں لمبا سماں راج کر چکی لبرل پاٹی دے آگوُ ہن۔ کینیڈا دے (1968 توں 1979 اتے 1980 توں 1984 تک) وزیر اعظم رہِ چکے ایلیئٹ ٹروڈو دے چار بچیاں وچوں سبھ توں وڈے ہن۔ جسٹن دا اک سابقہ وزیر اعظم دا بیٹا ہونا، اک اتفاق توں ودھ کجھ نہیں اے کیونکہ اس نوں سیاست وچ لیاؤن لئی اس دے پیؤ دا ہتھ نہیں رہا۔ ایلیئٹ ٹروڈو سن 2000 وچ فوت ہو گئے سن۔ جسٹن ادوں 28 کو سالاں دے سن اتے اس ویلے اوہناں اجے سیاست وچ پیر نہیں رکھیا سی۔ اوہ پہلی وار 2008 وچ پارلیمنٹ میمبر بنے۔

فیڈرل لبرل پارٹی دا آگو سودھو

فیڈرل لبرل پارٹی 2002–2006 دے ویلے دوران وڈی پدھر اُتے دھڑیبندی دا شکار ہو چکی سی۔ 13 سالاں دے لگاتار حکمرانی مگروں اس پارٹی نوں 2006 دیاں چوناں وچ نموشیجنک ہار ہوئی۔ کل 308 وچوں مساں 34 سیٹاں ملیاں مطلب پارٹی مکھ مخالف دھر وچ بیٹھن جوگی وی نہ رہی۔ لبرل پارٹی دی اینی بری ہار پہلاں کدے وی نہیں سی ہوئی۔ اجیہے وچ جسٹن دا کینیڈا دی سیاست وچ ابھار ہونا شروع ہویا۔ پارلیمنٹ میمبر بن کے اوہناں نے پارٹی وچ دھڑیاں نوں اکٹھا کرن ول قدم ودھائے۔ اوہناں دے سگھڑ، سیانپ بھرے اتے ٹھرھمے والے سبھاء توں متاثر ہو کے پارٹی دے مکھ آگوآں نے اوہناں نوں اس ویلے رضا مندی نال پارٹی دے آگوُ وجوں اگے لیاؤن دا فیصلہ کر لیا جس دا سارے دھڑیاں نے استقبال کیتا۔ پارٹی اندر اک نواں جوش پیدا ہونا شروع ہویا اتے لوکاں دا دھیان اک وار پھر آس دی کرن وانگ لبرل پارٹی ول جان لگ پیا۔ 14 اپریل 2013 نوں پارٹی دے پرتیندھاں نے وڈے اکثریت نال جسٹن نوں پارٹی دا آگوُ چن لیا۔

2015 دیاں عام چوناں سودھو

لوکاں وچ جسٹن نے اپنی اہلیت دا لوہا منوا کے 2015 دیاں عامَ چوناں وچ پارٹی نوں بھاری جت (338 وچوں 184 سیٹاں نال) دوائی سی۔ جسٹن دے اعلاناں اتے خطاباں نوں سن کے لوکاں نے اوہناں دی پارلیمنٹ وچ تیسرے نمبر اپر ڈگی ہوئی پارٹی نوں چکّ کے سدھا پہلے نمبر اپر لیا کے راج سونپ دتا۔ چون مہم وچ کنزرویٹو پارٹی دے سٹیفن ہارپر اتے نیو ڈیموکریٹک پارٹی (این۔ڈی۔پی۔) دے تھامس ملکیئر جہے گھاگ سیاستداناں نال جسٹن دا سدھا مقابلہ سی۔ جسٹن اوہناں وچ سبھ توں چھوٹی عمر دے سی۔ مخالف آگوُ اس نوں سیاست وچ نا تجربہ کار اتے دیس دا وزیر اعظم بنن دے قابل نہ ہون والا انسان دسدے ہندے سن۔ پر جسٹن نے اپنی سوچ نوں ہاں-پکھی رکھیا۔ مخالفاں دیاں گلاں دی کاٹ کرن ول دھیان دین دی بجائے اوہناں نے لوکاں وچ وچر کے اپنی گل کیتی۔ لوکاں نوں سمجھا دتا کہ اوہ دیس نوں یوگ اگوائی دے سکدے ہن جس دا سٹہ 19 اکتوبر 2015 نوں آئے چون نتیجے دے روپ وچ ساریاں دے ساہمنے سی۔ جسٹن صدقہ اس دی پارٹی نوں ملے مثالی فتوے توں بعد کنزرویٹو پارٹی نوں ہارپر اتے این۔ ڈی۔ پی۔ نوں ملکیئر الوداع آکھ کے سرگرم سیاست چھڈّ چکے ہن۔

پنجابی مول دے ممبر پارلیمنٹ سودھو

2015 دی چون وچ پہلی واری دیس وچ ڈیڈھ درجن دے قریب پنجابی مول دے پارلیمنٹ میمبر وی چنے گئے۔ شہری ووٹراں اتے خاص کرکے امیگرانٹ بھائیچاریاں دے ووٹر ڈٹ کے لبرل پارٹی دے حق وچ بھگتے سن۔ جسٹن نے پنجابی بھائیچارے اتے سکھ قوم متعلق اپنے ستکار اتے سہردتا دا ثبوت ایہہ دتا کہ اپنی 35 میمبری کیبنٹ وچ چار وزیر (نودیپ سنگھ بینس، ہرجیت سنگھ سجن، امرجیت سوہی، جگدیش چگر) بنائے۔ کینیڈا دی پارلیمینٹ اتے سرکار وچ پنجابیاں دی سرداری قایم ہوئی جس نال دیش-ودیساں وچ پنجاب، پنجابی تے پنجابیت تے سکھی بارے صلاحون یوگ سندیش گیا۔

امیگریشن قنون وج نرمی سودھو

چیتے رہے کہ وزیر اعظم جسٹن ٹروڈو دی سرکار بنن توں بعد 'فیملی کلاس' وچ ماپیاں تے دادے-دادی تے نانے-نانی دا کوٹا 5000 توں ودھا کے 10000 کر دتا گیا سی۔ عرضیاں دے نپٹارے وچ تیزی لیاندی گئی تاں کہ پروار جلدی اکٹھے ہو سکن۔ ماپیاں دے انحصار بچیاں دی عمر حد وی ودھائی گئی جس نال ودھ آشرت بچے کینیڈا وچ جا سکدے ہن۔ کینیڈا دی شہریت لینا آسان کر دتا گیا اے۔ امیگریشن دے اصول اجیہے بنا دتے گئے ہن کہ اگلے تن سالاں دوران ودیساں توں لگپگ 10 لکھ غیرملکی کینیڈا وچ جا سکن گے۔

دیس وچ بھائیچارہ بنائی رکھن لئی جتن سودھو

وزیر اعظم وجوں جسٹن ٹروڈو دی پہل دیس وچ بھائیچارک سانجھ بنا کے رکھن دی رہی اے۔ اوہ سربتّ دے بھلے واسطے سرگرمی کرن لئی یتنشیل ہن۔ بیتے سمیاں دے وتکرے بھرپور کالے قنوناں دی آڑ وچ گھٹّ-گنتیاں اتے آدیواسی بھائیچاریاں نال ہندیاں رہیاں بے انصافیاں دور کرن دی کوشش کیتی گئی اے۔ سکھ قوم دی سنتشٹی لئی 100 کو سال پہلاں واپرے کاماگاٹامارو کانڈ دی معافی کینیڈا دی پارلیمینٹ وچ منگی۔ مسلم بھائیچارے دے لوکاں نوں گل نال لگاؤن لئی سیریا وچ ظلم دا شکار ہوئے شرنارتھیاں نوں دیش وچ آؤن دا موقع دتا۔ کینیڈا وچ پجّ کے شرن منگن والے انسان نوں اس دی گل سنے بناں موڑے جان دے رجھان نوں نکا لگایا۔ ہن شرن لئی درخاست دین والے ہریک انسان دی امیگریشن اینڈ رفیوجی بورڈ (آئی۔آر۔بی۔) دے ادھیکاریاں نوں سنوائی کرنی پیندی اے۔ کینیڈا سرکار وچ سکھ آگوآں دی کامیابی اتے سکھاں دے ککاراں متعلق ستکار دی 27 نومبر 2017 نوں اک ولکھن اداہرن ملی سی جدوں سکھاں نوں سری صاحب پہن کے ہوائی جہازاں دیاں گھریلو اڈاناں وچ سفر کرن دی کھل دے دتی گئی۔ اس بارے س: بینس نے دسیا سی کہ سری صاحب دا اکار چھ انچ توں چھوٹا ہونا چاہیدا اے اتے وستراں دے ہیٹھاں پہننا ضروری اے۔ جسٹن ٹروڈو اج اپنے ڈیلیگیشن نال بھارت وچ ہن۔ اوہناں نال بااثر وپاری اتے کاروباری آگوآں دا ڈیلیگیشن پجا ہویا اے۔ سارے سکھ وزیر اتے پارلیمنٹ میمبر نال آئے ہن۔ کجھ چونویں صحافی وی اوہناں دے نال آئے ہن۔ ایہناں سطراں دے لکھاری نوں وی اوہناں نال قدم نال قدم ملا کے چلن دا موقع ملیا اے۔ اپنی اس 8 دنا سرکاری پھیری دوران سری ٹروڈو ولوں جتھے بھارت سرکار دے تعاون نال دوواں دیساں دے کاروباری رشتیاں بارے پہل قدمیاں کیتیاں جا رہیاں ہن اتھے کینیڈا اتے بھارت دے لوکاں (خاص کرکے نوجواناں) وچکار سانجھ ودھاؤن ول وی دھیان دتا جا رہا اے۔ 24 فروری نوں کینیڈا واپسی توں پہلاں اوہناں نے دلی وچ وکھ-وکھ کھیتراں توں کتامکھی اتے سکھئت نوجوان لڑکے اتے لڑکیاں نال اک خاص ملنی کرنی اے۔ اس پھیری دوران اوہ سارے دھرماں دے مذہبی استھاناں (مندر، مسجد، گردوارے اتے چرچ) وچ نتمستک ہونگے جس وچ 21 فروری نوں امرتسر وکھے پوتر سری ہرمندر صاحب دی پھیری وی شامل اے۔

پنجاب تے کینیڈا وچ نیڑتا سودھو

سانوں لگدا اے اجوکے ویلے دے سیاسی آگوآں لئی جسٹن ٹروڈو اک چانن منارا آگوُ ہو سکدے ہن جو ہکّ ٹھوک کے اپنی گل ٹھوسی جان نالوں ہریک دی گل سنن اتے منن نوں پہل دندے ہن۔ کینیڈا وچ اجیاے سہنشیل وزیر اعظم اتے بااثر سکھ وزیر ہون دے باو جود کینیڈا اتے پنجاب وچکار دوریاں ودھن دا دنیا بھر وچ وسدے پنجابیاں دے مناں وچ روس ضرور اے۔ ساڈی جانکاری مطابق کینیڈا اتے پنجاب وچکار نیڑتا اتے دولے تعاون دیاں سمبھاوناواں تاں بہت ہن پر اس معاملے وچ پنجاب سرکار تے خاص کرکے وزیر اعلیٰ کیپ: امریندر سنگھ ولوں سرکاری پدھر اُتے تعاون نہ ملنا مندبھاگا اے۔ اجوکے دور وچ کینیڈا دی پنجاب نوں اونی ضرورت نہیں پر کینیڈا نال دوستی دا پنجاب نوں ہریک پکھ توں لابھ ہی ہو سکدا اے۔ اج بیتے نوں بھلا کے لوڑ اس توں اگے چلن دی سی۔ کافی سماں بیکار گوا لیا گیا اے پر اجے وی لگدا تاں ایہہ اے کہ جیکر کینیڈا سرکار دے نال-نال پنجاب سرکار وی کھلھدلی نال اپنیاں باہاں کھولھے تاں اجے وی ڈلاے بیر چگے جا سکدے ہن تاں کہ کینیڈا اتے پنجاب دے رشتے نیڑتا دے اک نویں دور وچ داخل ہو سکن۔

ہور دیکھو سودھو

حوالے سودھو

باہرلےجوڑ سودھو