جاسوسی فِکشن
جاسوسی فِکشن، جاسوسی ادب (انگریزی: Spy fiction) فِکشن دی اک صنف اے جس وچ جاسوسی نوں اک اہم سیاق و سباق یا پلاٹ دے طَور اُتے شامل کیتا جان٘دا اے۔ ایہ وِیہویں صدی دے اوائل وچ، وڈیاں طاقتاں دے درمیان رقابتاں، سازشاں تے جدید انٹیلی جنس ایجنسیاں دے قیام توں متاثر ہو کے اُبھریا۔ ایہنوں دوسری جنگ عظیم دے آغاز وچ فاشزم تے کمیُونِزم دی ترقّی نے نوِیں تحرِیک دِتی، سرد جنگ دے دوران وی ترقّی ہُن٘دی رہی۔ بدمعاش ریاستاں، بین الاقوامی مُجرمانہ تنظیماں، عالمی دہشت گرد نیٹ ورکس، دے اُبھرن ناݪ اک نوِیں تحرِیک مِݪی۔ سمُندری بحری قزاقی تے تکنیکی تخریب کاری تے جاسُوسی مغربی معاشریاں لئی قوی خطرات نیں۔
جاسُوسی ادب دِیاں لِکھتاں وچ سراغ رسانی، پیچیدہ صورت حال دیاں گتھیاں سلجھاؤݨ، خُفیہ مہمات نوں سَر کرن وَرگے مَوضُوعات دا احاطّہ کِیتا جان٘دا اے۔ عام طَور اُتے جاسُوسی ادب وچ مہم جوئی ناݪ بَھرپُور واقعات دے ناݪ ناݪ سائنس فِکشن وی ہُن٘دا اے۔
مقبُول جاسُوسی سِیرِیز
سودھو- جاسوسی دنیا (فریدی حمید سیریز) از ابن صفی [۱]
- کیپٹن پرمود سیریز (سیکرٹ سروس) از ایس قریشی
- شامی تیمور سیریز از کاشف زبیر
- جلیل راجا سیریز از کاشف زبیر
ایسّے طرحاں چَند ہور لکھارِیاں نے وی جاسُوسی وچ سِیرِیز لِکھیاں نیں۔