طراز دریا
تلاس جان طراز دریا (کرغیز: Талас дарыя، تلاس دریا؛ انگریزی: Talas River) وچکار ایشیا دے کرغیزستان دیس دے تلاس صوبہ توں پیدا ہوکے لہندے وچ قازقستان وچ وگن والا اک دریا اے جو کراکول دریا تے اُچ کوشویہ دریا دے سنگم تون بندا اے۔ تلاس دریا دے ناں تے کرغزستان دے تلاس صوبہ تے تلاس شہر دا ناں پیا اے۔ ایہ قازقستان دے ژامبیل صوبہ دے طراز شہر توں لنگھدا اے اور آئیدین جھیل (Lake Aydyn) پہنچن توں پہلے سٹیپ وچ دھرتی ولوں سوکھ لین نال لپت ہو جاندا اے۔ کل ملکے تلاس دریا ٦٦١ ک م لمبا اے تے اسدا جلسمبھر علاقہ 52،800 مربع کلومیٹر اے۔ تلاس دریا سٹیپ دے تن سبتوں اہم دریاواں وجون اک اے - دوجے دو چیا دریا تے ایلی دریا نیں۔
اتہاس
سودھوپرانے دور وچ چینی دھرم یاتری ہوینسانگ، جنہے ہندستان دا سفر کیتا سی، تلاس دریا دے علاقے توں گزریا سی تے اس نے اپنے سفرنامے وچ اسدا ذکر کیتا سی۔[۱][۲] بعد وچ 751 عیسوی وچ تلاس دریا دی وادی وچ عرب فوج تے چین دے تنگ شاہی خاندان دی فوج دے وچکار'تلاس دی لڑائی' ہوئی سی جے وچ چینی فوج دی ہار ہوئی تے تنگ شاہی خاندان دا لہندے ول ودھاء ہمیشہ لئی تھم گیا۔
ایہ وی دیکھو
سودھوحوالے
سودھو
- ↑ The Chinese recorder, Volume 5، pp. 192, American Presbyterian Mission Press, 1874, … Journeying further to the west we arrived in four days at the Ta-la-su mo-len. The river, which is deep and broad, comes from the east …
- ↑ Notes on Chinese mediaeval travellers to the West، E. Bretschneider, pp. 34, American Presbyterian Mission Press, 1875