بیکانور خلائی اڈا

بیکانور خلائی اڈا یا کاسموڈروم دنیا چ سب توں پہلا تے سب توں وڈا خلائی جعازاں تے راکٹاں نوں خلا وچ بھیجن والا اڈا اے ۔ ایہہ خلائی لانچنگ پیڈ قازقستان دے صحرائی گیاہستان (سٹیپ) چ ارال سمندر توں 200 کلومیٹر چڑدے پاسے وچ آمو دریا دے اتلے پاسے ترنجوراتام دے ریلوے سٹیشن دے نیڑے ہیگا اے ۔ اس خلائی اڈے دا ناں ایس علاقے دے عام ناں بیکانور تے رکھیا گئیا اے جیہڑا کہ روایتی طور تے" ژیزقازغان" دے قصبے نال جڑیا ہویا اے ۔ ایہہ اڈا قازق حکومت نے 2050ء تک روس نوں کراۓ تے دتا ہویا اے تے اس دا انتظام روسی وفاقی خلائی ایجنسی روسی وفاقی خلائی ایجنسی دے ہتھ اے ۔ اس کراۓ تے دتے گئے علاقے دی شکل بیصوی اے جیہڑا چڑدے پاسے توں لیندے پاسے ول 90 کلومیٹر تے شمال توں دکھن دے پاسے 85 کلومیٹر اے تے خلائی اڈا ایس دے وشکار وچ اے ۔ بیکانور دا خلائی اڈا اصل وچ سویت یونین نے 1950ء دی دہائی وچ اپنے خلائی پروگرام لئی آپریشنل بیس دے طور تے تعمیر کیتا سی پر 1991ء سویت یونین دے ٹنن دے بعد ایہہ قازقستان دے کنٹرول چ آگیا۔

سویوز 19 راکٹ بیکانور خلائی اڈے تے

پہلی انسان بردار خلائی پرواز ، خلائی جعاز واستوک 1 ، بیکانور دے لانچنگ پیڈ توں ای خلا ول گیا ۔ اس اڈان دے ول یوری گیگرین نے ،انسانی تریخ وچ پہلی واری ،بارلے خلا تے زمین دے مدار وچ چکر لایا ۔ جس نوں ہن گیگرین سٹارٹ آکھیا جاندا اے ۔