بلقان
بلقان تھلویں چڑدے یورپ دا اک پاسہ اے۔ اس پاسے دا اے ناں بلقان پعاڑ توں پیا جیڑا بلغاریہ دے وشکاروں تے چڑدے سربیا چوں لنگدا اے۔ بلقان دا رقبہ 550،000 مربع کلومیٹر تے لوک گنتی 55 ملین اے۔
اس خطے نوں ناں کوہ بلقان دی وجہ توں دتا گئیا اے جہڑا بلغاریہ دے وسط توں مشرقی سربیا تک جاندا اے ۔
اسنوں اکثر جزیرہ نما بلقان وی آکھیا جاندا اے کیونجے اسدے 3 پاسے سمندر اے جنہاں چوں مشرق چ کالا سمندر ، جنوب تے جنوب مغرب چ رومی سمندر دیاں شاخاں ایڈریاٹک سمندر ، آیونیئن سمندر ، ایجی سمندر تے مرمرہ سمندر نیں۔ بلقان جنوب مشرقی یورپ چ کالا سمندر ، ایڈریاٹک سمندر تے ایجی سمندر دے ساحلاں توں شروع ہوکے وسطی یورپ تک پھیلیا ہوئیا اے ۔ بلقان چ ترکی ، یونان ، بلغاریہ ، سربیا ، بوسنیا تے ہرزیگوونا ، کوسوو ، مقدونیہ ، مونٹی نیگرو ، البانیا ، سلوینیا تے کروشیا ہیگے نیں۔
بلقان ترک بولی دا شبد اے ۔ ترک بولی چ رکھاں والے پعاڑ نوں بلقان کیندے نیں۔
تریخ
سودھو
بلقان چ قدیم یونان یورپی تہذیب دی جنم بھومی اے ، جس دے آثار اج وی یونان چ دیکھے جاسکدے نیں ۔
بلقان دے زیادہ تر علاقے 14ویں صدی عیسوی توں 20ویں صدی دے شروع تک سلطنت عثمانیہ دے زیر نگیں رہے ، البانیا ، کوسوو ، بوسنیا تے ہرزیگووینا تے دوجے علاقیاں دے لوکاں نے ایسے دور چ اسلام قبول کیتا ۔
بلقان دی اکثر ملک سوائے یونان دے 1990ء دی دہائی دے شروع تک اشتراکی اقتدار دے ہیٹھ رہے ۔ بلغاریہ تے البانیا آزاد ملکاں دے دی حثیت نال دے باقی علاقے اشتراکی ریاستاں دے اتحاد یوگوسلاویہ دا حصہ رہے ۔ 1991ء دی خانہ جنگی نے یوگوسلاویا نوں 8 ملکاں چ تقسیم کردتا۔