ایسٹون

ایسٹون
بوتل چ بند ایسٹون
خاصیتاں
کیمیائی فارمولا	(CH3)2CO
مول وزن	58.08 گرام/مول
وکھالہ	بے رنگا پانی سار
پگلن نمبر	− 95 ° سینٹی گریڈ
ابلن نمبر	− 56 ° سینٹی گریڈ
تیزابیت	19.2
ایسٹون دا ڈھانچا

ایسٹون اک آرگینک کمپاؤنڈ اے جیدا فارمولا (CH₃)₂CO اے۔ ایہ اک بے رنگا، وولاٹائل، دستی اگ پھڑن آلا پانی سار تے سب توں سادہ کیٹون اے۔ ایہ پانی چ کل جاندا اے تے اینوں آپ وی کول دے طور تے کیمیائی لیباں وچ صفائی لئی ورتیا جاندا اے۔ 2010 وچ 67 لکھ ٹن ایسٹون بنایا گیا سی جینوں زیادہ تر کول دے طور تہ، میتھائل میتھکرائلیٹ تے بسفینول اے بنان لئی ورتیا گیا۔ ایہ آرگینک کیمسٹری چ اک ضروری کمپاؤنڈ اے جیدے نال کئی ہور کیمیکل بناۓ جاندے نيں۔ عام کعراں وچ اینوں پینٹ تھنر تے نیل پالش اتارن لئی ورتیا جاندا اے۔

ایسٹون انسانی پنڈے وچ وی میٹابولزم دے کم وچ بندی اے۔ ایہ خون تے موتر وچ پائی جاندی اے۔ شوگر دے مریضاں وچ ایہ زیادہ مقدار وچ ہوندی اے۔ دد پلاندیاں ماوواں تے بچیاں وچ زیادہ ایسٹون ہوندی اے۔ مرگی دے مریضاں نوں کیٹوجینک کھانا کھوایا جاندا اے تا کہ اوناں وچ ایسٹون زیادہ ہووے جس نال دورے کٹ جاندے نیں۔