اوکاپی

اوکاپی پدھرے کھر والے جانوراں دا اک سنگی تے ایہ زرافا ٹبر چوں اے ۔ ایہ کانگو، افریقا دا واسی اے ۔ ایہدیاں پِچھلیاں لتاں تے زیبرے ورگیاں پٹیاں نیں تے سر زرافے ورگا ۔ زرافا تے اوکاپی زرافا ٹبر دے دو ای سنگی نیں ۔ 2013 دے آنکڑے وچ 10،000 دے نیڑے رہ گئے نیں ۔

اوکاپی
دیس :	جانور
برادری :	کورڈیٹ
ٹولی :	تھݨ دار
ٹبر :	زرافا ٹبر
سائینسی ناں :	Okapia johnstoni
دنیا تے اوکاپی دی پھرن تھاں پیلے رنگ وچ

ناں

اوکاپی کانگو دی لیسے بولی دا لفظ اے ۔ ایہدا سائینسی ناں (johnstoni) یوگنڈا دے انگریز گورنر ہیری جانسٹن دے ناں تے آ جیہنے پہلا اوکاپی دنیا دے اگے لیاندا سی ۔

دکھالا

اوکاپی اک درمیانے سائز دا زرافا ٹبر دا جانور اے ۔ اوکاپی 1.9 توں 2.5 میٹر (6.2 توں 8.2 فٹ) سر توں پونچھ تک لمبے ہُندے نیں تے موڈھے اتوں 1.5 میٹر (4 فٹ 11 انچ) لمبا ہُندا اے ۔ ایہدے پِنڈے دی اوسط لمبائی تقریبن 2.5 میٹر (8 فٹ 2 انچ) اے تے وزن 200 سے 350 کلوگرام اے ۔ ایہدی گردݨ لمبی تے کن وڈے تے لچک دار ہُندے نیں ۔ لتاں تے چِٹے گِٹےآں اُتے سفید افقی دھاریاں دے بِلکُل برعکس اوکاپی دا کوٹ سرخی مائل بھورے رنگ دا چاکلیٹ اے ۔ مخصوص دھاریاں زیبرے وِرگیاں ہُندیاں نیں ۔ ایہ خصوصیات گھنے پودےآں دے درمیان اک مؤثر چھلاورن دے طور تے کَم کَردیاں نیں ۔ چہرا ، گلا تے سینا سرمئی چِتا ہُندا اے ۔ انٹرڈیجیٹل غدود چاراں پیراں اُتے موجود ہُندے نیں تے اگلے پیراں اُپر قدرے وڈے ہُندے نیں ۔ نَر اوکاپس وچ چھوٹے، بالاں نال ڈھکے ہوئے سیِگ نما ڈھانچے ہُندے نیں جیہناں نوں اوسیکونز کہیا جاندا اے ۔ جیہدی لمبائی 15 سینٹی میٹر (5.9 انچ) توں کَعھٹ ہُندی اے جیہڑی زرافے دے اوسیکونز دی شکل تے کَم وچ مِلدیاں جُلدیاں نیں ۔ اوکاپی جنسی ڈمورفزم نوں ظاہر کردا اے ۔