الیگزنڈر فلیمنگ

الیگزنڈر فلیمنگ
جیون:	6 اگست 1881 سکاٹ لینڈ، برطانیہ
مرن :	11 مارچ 1955 لندن انگلینڈ
گن:	1928 چ پنسلین لبی
انعام:	1945 اچ فزیالوجی دا نوبل انعام

الیگزنڈر فلیمنگ (انگریزی:Alexander Fleming) اک برطانوی ڈاکٹر تے دوائیاں دا گرو سی. اونے جراسیم نوں مارن والیاں دوائیاں لبیاں۔ اودیاں سب توں مشہور لباں چ 1922 چ اینزائم لائیسوزائم اے۔ 1928 چ اونے پنسلین لبی جینے جراسیماں نوں مارن چ بعوت کم کیتا۔ ایس کم تے اونوں ہوورڈ فلورے تے ارنسٹ بورس چین نال 1945 چ فزیالوجی دا نوبل انعام دتا گیا۔

1999 چ ٹائم میگزین نے اونوں 20ویں صدی دیاں 100 اہم بندیاں چ پنسلین دے لبن تے چ رکھیا۔ اودی لب بارے اے لخیا: اے اک ایسی لب اے جیہڑی تریخ دے راہ نوں موڑ دیویے گی۔ اوہ مواد جیہڑا اونے لبیا اودا سب توں وڈا انگ جراسیماں نال لڑن دی چوکھی طاقت رکھدا اے۔ جدوں اے انت تے منیا گیا جے دنیا چ پنسلین روگاں نال لڑن والی سب توں تکڑی دوائی اے تے اینے ہمیشہ لئی بیکٹیریا نال لڑن دا ول پلٹ دتا۔ اس صدی دے وشکار چ فلیمنگ دے ایس لبن نے دوائیآں بنان دی اک نویں دنیا بنادتی، جتھے ایہو جیاں پنسلیناں بنائیاں گیاں جناں انساناں دے پرانے ویری روگاں ٹی بی گینگرین تے سفلس ورگے روگاں تے قابو پایا گیا۔

جیون

الیگزنڈر فلیمنگ 6 اگست 1881 نوں برطانیہ دے صوبے سکاٹ لینڈ چ جمیا۔ اوہ اٹھ پعن پعرا سن۔ اوہ ست وریاں دا سی جدوں اودا پیو مرگیا۔ پیلے اوہ ڈارول سکول چ پڑھدا ریا فیر اوہ کلمورک اکیڈیمی چپ ّڑھدا ریا۔ چار وریاں تک جعازاں دی کمپنی چ کلرکی کیتی۔ 20 وریاں دا سی اوہ جدوں اک چاچے دے مرن تے اونوں اودی وراثت چوں کج پیسے لبے ۔ وڈے پعرا دے مشورے تے جیڑا کہ آپ ڈاکٹر سی 1901 چ ڈاکٹری کرن لئی سینٹ میری ہسپتال لندن چ داخلہ لے لیا۔1906 چ اونے ڈاکٹری دا نتارا کیتا تے سرجن لگنا جاندا سی پر اوہ اک رائفل کلب دا وی سنگی سی تے رائفل کلب دا کیپٹن نئں سی چاندا جے فلیمنگ اوتھوں جاوے ایس لئی اونے اینوں آکھیا جے سینٹ میری ہسپتال چ ای ٹکیا رۓ جتھے اوہ فیر سر المراتھ رائٹ دا سنگی لگ گیا۔ جیڑا دوائیاں دا وڈا گرو سی ۔ 1914 تک ااوہ ایتھے لیکچرر لگا ریا۔ 23 دسمبر 1915 نوں اونے اک نرس نال ویاہ کر لیا۔ پہلی جنگ عظیم چ اوہ زخمی فوجیاں دی ڈاکٹری وی کردا ریا۔ 1918 نوں سینٹ میری ہسپتال واپس آگیا تے اونوں 1928 نوں اونوں بیکٹیریااوجی دا پروفیسر بنا دتا گیا۔

پنسلین

سینٹ میری ہسپتال

1922 چ اونے لائسوزائن لب لئی۔ لائسوزائن کج جراسیماں نوں مار رئی سی پرساریاں نوں نئیں۔ فلیمنگ نے اے شے ویکھی کہ جراسیم مارن والیاں دوائیاں اکثر انسانی جسماں تے اوناں مادیاں نوں وی مار دیندیاں نیں جیڑے جراسیماں نال لڑدے نیں۔ فلیمنگ کسی ایسی دوائی کسی ایسی چیز دی کھوج وچ سی جیڑی جراسیماں نوں تے مارے تے باقی ہورے پنڈے دے کسے پاسے نوں نہ نقصان دیوے اگست 1928 چ اوہ چھٹیاں تے سیر کرن گیا ہویا سی اپنی لیباٹری چ کج پلیٹاں تے فنگس کھلار کے رکھ گیا سی۔ اوہ جدوں واپس آیا اونے آکے ویکھیا کہ اک پلیٹ دے اک پاسے توں فنگس مک چکے سی تے پلیٹ دے دوجے پاسے ٹھیک سن۔ اونے اس مکان آلی چیز نوں لبیا تے 7 مارچ 1939 نوں اودھا ناں پینسلین رکھیا۔ 1939 چ فلیمنگ نے اپنی اس ٹونڈ نوں اک دوائیاں آلے میگزین چ لکھیا۔ اونے اے چیز ویکھی کہ پینسلین نوں اگانا تے وکھریاں کرنا ایڈا آسان کم وی نئیں لوکاں نے اودی اس پینسلین تے کوئی ایڈی توجہ نہ دتی۔ نالے اینوں وکھریاں کرن لئی اک کیمسٹ دی لوڑ سی تے فلیمنگ بائیلوجی دا گرو سی۔

دوجی جنگ عظیم ٹر پئی بندے مکھیاں دی طرح مرن لگ گۓ فیر ایسی دوائی دی لوڑ پئی جیڑی انساناں نوں زخماں توں مرن توں بچا سکے۔ پینسلین تے کم ٹوریا گیا۔ مسلہ اے سی جے فلیمنگ نوں پنسلین نوں خاص بنانا تے اونے وکھریاں کرناں تے فیر اونوں اینج بنانا جے اوہ دوائی بن سکے اے کم نین سی اندا۔ اوہ تے اک بیکٹیریا کرو سی۔ اوہنوں کیمسٹری نیں سی آندی۔ ایس کم لئی فیر کیمسٹری دے بندے لبے گے۔ اک ٹیم بنائی گئی۔ ہاورڈ فلورے تے ارنسٹ چین اودی ٹیم چ پاۓ گۓ تے ایس ٹیم اے کم سی کہ پینسلین نوں کھری حالت وچ تیار کر سکن۔ پر اک ہور مسلہ کھڑا ہوگیا۔ برطانیہ جرمنی نال اوس ویلے اک خوفناک لڑائی چ پھسیا ہویا سی۔ تے پنسلین نوں وکھریا کرنا تے خاص بنانا اک سکون دا کم سی۔ لندن ہر ویلے بمباری دے نشانے تے سے۔ جرمناں توں کوئی گل لکی نیں سی رہ سکدی اوناں نین اے سوچ کے اوس تھاں تے بمباری کردینی سی جے خبرے ایتھے کی بن ریا اے۔ پر ایڈی وڈی تباہی دے نال ویی دونان دیساں ج اک چپ کیتا معاہدہ سی جے دونویں دیس اپنس وڈے پڑھن لخن دے تدانواں تے بمباری نیں کرن گے۔ جرمنی برطانیہ دے پڑھائی دے وڈے گڈھاں آکسفورڈ تے کیمبرج تے بمباری نیں سی کرریا تے اینج ای برطانیہ وی جرمنی دے دو یونورسٹی تھانوان ہائیڈلبرگ تے ٹوبنگن دے بمباری نیں سی کر ریا۔ تے اینج اس کم لئی اے ٹیم آکسفورڈ آئی۔ (برطانیہ چ جواکاں دے چوکھے سارے جمن ایس لئی آکسفورڈ تے کیمبرج چ ہوۓ) ایس ٹیم نے سکون نال کم کیتا۔ 1940 چ ٹیم نے پنسلین نوں خالص کر لیا تے ایدے جاسیماں تے کم کرن بارے تجربے ہوۓ۔ اے تجربے ٹھیک نکلے۔ اگست 1944 نوں جدوں امریکی تے انگریز فوجاں نیں نارمنڈی فرانس تے حملہ کیتا تے پینسلین زخمی سپاہیاں نوں بچان آستے تیار سی۔ ہر زخمی سپاہی لئی پنسلین بنالئی گئی سی۔ پنسلین نے جادو دی طرح کم کیتا۔

اینٹی بائیوٹکس

الیگزنڈر فلیمنگ دے 1928 چ پنسلین نوں لبن تے اودے وکھریاں کرن نال دنیا چ اینٹی بائیوٹکس دے نویں ویلے دی دس پئی۔ فلیمنگ نیں بعوت پہلے اے پتہ چلا لیا سی جے بیکٹیریا اینٹیبایوٹکس روک اپنے اندر بناندے نین اگر تھوڑی چی پنسلین ورتی جاوے یا فیر اے تھوڑے ویلے لئی ورتی جاۓ۔ المروتھ رائٹ نے ایدا پتہ چلن توں پہلے اے بارے دسیا۔ فلیمنگ نیں بعوت ساریاں تھانواں تے دنیا چ پنسلین نوں دے تھوڑا ورتن دی گل آکھی۔ اونے خبردار کیتا جے پنسلیو نوں اودوں تک نیں ورتنا چائیدا جدوں تک ایدے ورتن دی پوری جانکاری ناں کرلی جاۓ۔ اگر اے ورتی جاۓ تے ناں تے اے تھوڑی ورتی جاۓ تے ناں ای اے تھوڑے ویلے لی ورتی جاۓ۔ نیں تے فیر ایدے لئی پنڈے اندر روک بننا ٹر پینی اے تے اے بے اثر ہوجاندی اے۔

فلیمنگ دی پہلی ٹبری سارہ 1949 چ مرگئی۔ رابرٹ فلیمنگ اوناں دا اک ای پتر سی جیہڑا ڈاکٹر بنیا۔ سارہ دے مرن تے فلیمنگ نیں ڈاکٹر امالیہ نال 1953 چ ویاہ کرلیا اوہ اک یونانی سی تے اودے نال سینٹ میری چ کم کردی سی۔ اوہ 1986 چ مری۔ پینسلین نے جراسیم مارن آلی دوائیاں دے اک نوے ویلے نوں ٹوریا۔ 1955 چ الگزنڈر فلیمنگ دل دا دورا پین نال مر گیا۔

انعام تمغے

فلیمنک دی پنسلین دے لبن نال دوائیاں وچ اک جان بچان والی دوائی دا وادا ہویا تے اینے دنیا ج لکھاں لوکاں دی جان بچائی۔ ایس کم تے اونون تمغے تے انعام ملے۔

• فلیمنگ فلورے تے چین نے رل کے 1945 دا نوبل انعام جتیا۔
• فلیمنگ تے فلورے نوں 1944 ج سر دا خطاب دتا کیا۔
• رائل کالج آف سرجن نے 1943 چ اونوں پروفیسر بنایا۔
• میڈرڈ سپین چ الیکزنڈر فلیمنگ دا مجسمہ بیلاں دی لڑائی دے سٹیڈیم دے بار لگایا گیا تے اودے لئی پیسے کھلاڑیاں نین کٹھے کیتے۔ فلیمنک دی پنسلین نیں کھلاڑیاں چ مرن دی گنتی تھوری کردتی سی۔

ہور ویکھو

• نوبل انعام جتن والیاں دی لسٹ

بارلے جوڑ

• جیون
• فلیمغگ ٹائم 100 Archived 2009-05-26 at the وے بیک مشین
• تھاواں تے یاداں
• الیگزنڈر فلیمنگ Archived 2009-06-29 at the وے بیک مشین

فزیالوجی/دوائیاں چ نوبل انعام لین والے

ایمل فان بہرنگ · رونالڈ روس · نیلز رائیبرگ فنسن · پاولوف · رابرٹ کوخ · کامیلو گولجی · سانتیاگو ریمون · چارلز لوئی الفونزے لاویرن · میچنیکوف · ایمل تھیوڈر کوخر · البرخت کوسل‏ · الوار گلسٹرانڈ‏ · الیکسس کارل · چارلز رچٹ · رابرٹ بارانی · جولے بوردے · اگست کروغ · آرچیبالڈ ہل · آٹو فرٹز میرہوف · فریڈرک بانٹنگ · جان جیمز رچرڈ میکلوڈ · ولیم انٹہوون · جوہانز اینڈریاس گرب فبگر · جولیس ویگنر جاؤرگ‏ · چارلز نیکل‏ · کرسٹیان ایجکمین‏ · فریڈرک گولینڈ ہوپکن‏ · کارل لینڈ سٹائنر · آٹو ہائینرخ واربرگ‏ · چارلز سکاٹ شیرنگٹن‏ · ایڈگر ڈگلس ایڈریان · تھامس ہنٹ مورگن · جارج وپل · جارج مینٹ · ویلیم مرفی · ہانز سپیمان · ہینری ہیلٹ ڈیل · آٹو لووی · البرٹ سینٹ جیورجیائی · گیرہارڈ دوماک · ہینرک ڈیم · ایڈورڈ ایڈلبرٹ ڈوئیزی · جوزف ارلانگر · ہربرٹ سپنسر گاسر · الیگزنڈر فلیمنگ · ارنسٹ بورس چین · ہوورڈ فلورے · ہرمن جوزف ملر · کارل فرڈیننڈ کوری · گرٹی کوری · برنینڈو ہائوزے · پال ہرمن ملر · والٹر روڈلف ہیس · انٹونیو ایگاس مونیز · فلپ شوالٹر ہینچ · فلپ شوالٹر ہینچ · ایڈورڈ کیلون کینڈل · ٹیڈیوس ریشسٹائن · سلمان واکسمان · ہاںز ایڈولف کربز · فرٹز ایلبرٹ لپمین · جان فرینکلن اینڈرز · فریڈرک چیپمین روبنز · تھامس ہکل ولر · ہیوگو تھیورل · ایندرے کورناند · ورنر فروسمان · جوشوا لیڈربرگ · سالویٹوری کوازیموڈو · فرینک میکفارلین برنٹ · پیٹر میڈاوار‏ · جارج فان بیکیسی · فرینسس کرک · جیمز واٹسن · مائورس ولکنز · جان اکلس · ایلن لائڈ ہوجکن · مائورس ولکنز · اینڈریو ہکسلے · کونراڈ بلوخ · فیوڈر لائنن · فرانسوا جیکب · آندرے لوف · جیکس مونود · فرانسس روس · چارلس ہگنز · راگنر گرانٹ · ہالڈن کیفر ہارٹلائن · جارج والڈ · رابرٹ ہولر · ہار گوبند خورانا · مارشل نرنبرگ · میکس ڈیلبروک · الفرڈ ہرشے · سیلواڈور لوریا · جولیس ایکسلراڈ · الف فون یولر · برنارڈ کیٹز · جان گرڈن · شنیا یاماناکا · مے- برٹ موزر · جان او کیف · ایڈورڈ موزر