افسانچہ
افسانچہ، فِکشن دی اک صنف اے۔ ایہ کہاݨی دی مُختصِر ترِین شکل اے۔ ایہنوں "نِکا افسانہ" یا "مُختصِر نِکی کہاݨی" وی کہیا جان٘دا اے۔ افسانچہ دَراصل افسانے دی ہیئت وچ تبدِیلی دا تجربَہ اے۔ جس طرحاں ناول توں ناولٹ نِکݪیا اے اِسّے طرحاں افسانے توں افسانچے نے جنم لیا اے۔ افسانچے وچ اِنسانی تجربے نوں نثری شکل وچ گَھٹ توں گَھٹ لفظاں وچ بیان کیتا جان٘دا اے۔ افسانچے وچ مزاح نوں رَد کَردے ہوئے طنز نوں برقرار رکھݨا پَین٘دا اے ورنَہ ایہ لطیفہ بَݨ جان٘دا اے۔ افسانچے وچ سَبھ توں اہم تے خاص گَل ایہدی پنچ لائن اے۔
پنچ لائن
سودھوافسانچے وچ آخر وچ ایداں دا چون٘کا دیݨ واݪا جُملَہ لِکھݨا جیہڑا پوری کہاݨی دا نچوڑ ہووے۔ مکمّل کہاݨی دا دارومدار اس جُملے اُتے ہُن٘دا اے جیہڑا افسانچے نوں کامیاب بݨاؤن٘دا اے۔
نمُونے دے افسانچے
سودھوایہ افسانچے سعادت حسن منٹو دی کتاب "سیاہ حاشیے" توں لئے گئے نیں۔
دعوتِ عمل
سودھواَگ لگّی تاں سارا محلَّہ جَݪ گیا۔ صِرف اک دکان بچ گئی، جیہدی پیشانی اُتے ایہ بورڈ آویزاں سی۔
"ایتھے عمارت سازی دا جُملہ سامان مِݪدا اے۔ "
خبردار
سودھوبلوائی مالک مکان نوں بڑیاں مُشکلاں ناݪ گھسِیٹ کے باہر لے آئے، کپڑے جھاڑ کے اوہ اٹھ کھڑا ہویا تے بلوائیاں نوں کہݨ لگّیا، "تُسیں مینوں مار دیو لیکن خبردار! جے میرے روپے پیسے نوں ہَتھ لایا۔ "
پیش بندی
سودھوپہلی واردات ہوٹل دے کوݪ ہوئی، فورن اوتھے اک سپاہی دا پَِہرہ لا دِتا گیا۔
دُوسری واردات دُوسرے دن شام نوں سٹور دے سامݨے ہوئی، سپاہی نوں پہلی جگَہ توں ہٹا کے دُوسری واردات دے مقام اُتے متعیّن کَر دِتا گیا۔
تیسرا کیس رات دے باراں بجے لانڈری دے کوݪ ہویا۔
جَد اِنسپیکٹر نے سپاہی نوں اس نوِیں جگَہ پَِہرہ دیݨ دا حُکم دِتا تاں اوہنے کچھ دیر غَور کرن توں بَعد کہیا۔ "مینوں اوتھے کھڑا کرو جِتھے نوِیں واردات ہوݨ واݪی اے۔ "