افریقی جنگلی کتا

افریقی جنگلی کتا
پچھان
دیس :	جنور
برادری:	کورڈیٹ
پتی :	ماس کھانے
ٹبر :	کتے
سائنسی ناں :	Lycaon pictus
دنیا تے پھرن تھاں

افریقی جنگلی کتا افریقی سوانا دا سب توں وڈا کتا اے۔ ہائینا وانگوں ایہ ٹولی بنا کے ریندے تے شکار کردے نیں۔ 39 نکیاں ٹولیاں وچ ایہناں دی گنتی 6،600 دے نیڑے اے۔

وکھالہ

ایہدا سائینسی ناں (Lycaon pictus) جیدا مطلب اے رنگلا بگیاڑ ایہدی کھل دے رنگاں بارے دسدا اے۔ پنڈے دے کالے رنگ تے پؤرے، پیلے، چٹے تے رتے نشان بنے ہوۓ نیں۔ ایہ نشان ہر کتے تے وکھرے نیں تے اینج کوئی کتا وی دوجے ورگا نہیں۔

افریقی جنگلی کتا 80 توں 110 سینٹی میٹر تک لما ہوندا اے تے ایہدی پوچھل 35 سینٹی میٹر دی ہوندی اے۔ مگر 70 سینٹی میٹر اچے تے جوکھ 17-36 کلوگرام تک ہوندا اے۔ اینج ایہ گدڑ تے بگیاڑ دے وشکار اندا اے۔

پسار

کینیا، تنزانیہ، زیمبیا، زمبابوے تے دکھنی افریقہ وچ کروگر نیشنل پارک وچ ایہناں دیاں وڈیاں ٹولیاں نیں۔