آریان 1 ، آریان لانچر ٹبر دا پہلا ورژن اے ۔ ایہہ بنیادی طور تے ، اک ویلے چ دو ٹیلی کمیونی کیشن سیارچےآں نوں مدار چ لےچان لئی ڈیزائن کیتا گیا سی ، تاکہ لا‍گت گھٹے ۔ جداں جداں سیارچےآں دے جسامت ودھی ، آریان 1 توں فیو ہور طاقتور آریان 2 تے آریان 3 لانچر بنائے گئے ۔

آریان 1

جانکاری سودھو

آریان پہلی لانچ گڈی سی جہڑی یورپی خلائی ایجنسی نے تیار کیتی ۔ ایہہ یورپا لانج گڈی ایل3ایس دے ڈیزائن نوں ہور ترقی دے کے بنائی گئی ۔ ایس پروگرام دی لاگت دا اندازہ 2 ارب یورو اے ۔ 2،10،000 کلوگرام دا وزن چکن دی طاقت نال ، آریان 1 اک مصنوعی سیارچہ یاں ودھ توں ودھ 1،850 کلوگرام دے دو نکے سیارچے ، زمین ساکن مدار (جیوسٹیشنری مدار) پجان دے قابل اے ۔

آریان 1 ، اک 4 سٹیج راکٹ سی ۔ پہلی سٹیج چ 4 ویکنگ انجن لگے سن ، جنہاں نوں سوسیئٹ یورپیئن ڈی پروپلشن کمپنی نے بنایا سی ۔

تیجی سٹیج چ اک بائیپروپیلنٹ انجن لگا سی 7،000 کلوگرام فورس (69 کلو نیوٹن) دا تھرسٹ پیدا کرن جوگا سی ۔

ایہہ ڈیزائن اریان 4 تک رہیا ۔

لانچاں سودھو

آریان 1 دی پہلی لانچ 24 دسمبر 1979ء نوں کیتی گئی جہڑی کامیاب رہی ۔ 1980ء چ کیتی گئی دوجی لانچ ، لانچ دے کجھ ای چر مگروں پہلی سٹیج دے ویکنک انجناں چوں اک چ خرابی پاروں ناکام رہی ۔ اس دی تیجی لانچ مدار چ تن مصنوعی سیارچے پچان چ کامیاب رہی تے چوتھی تے آخری کوالیفیکیشن لانچ وی کامیاب رہی ۔

پنجویں تے پہلی کمرشل لانچ چ راکٹ نے پرواز دے 7 منٹ مگروں تیجی سٹیج چ ٹربو پمپ چ خرابی پاروں کم کرنا چھڈ دتا ۔ لانچر دی مکمل جانچ پڑتال مگروں اگلیاں 6 پروازاں کامیاب رہیاں ۔

پہلا ایس پی او ٹی سیارچہ آریان 1 دی گیارویں تے آخری لانچ چ مدار چ پہنچآیا گیا ، جہڑی 22 فروری 1986ء نوں کیتی گئی ۔

باہرلے جوڑ سودھو

باہرلے جوڑ سودھو