Yeke Kingdom
1856–1891
دکھن وشکارلا افریقہ(مسیری دی بادشاہت) 1880ء چ
دکھن وشکارلا افریقہ(مسیری دی بادشاہت) 1880ء چ
راجگڑھبنکیا
حکومتبادشاہت
• 1856-1891
مسیری
تاریخی دورافریقہ دی کھوج بین
• مسیری دا اقتدار ج آنا
1856
• مسیری دی موت
1891
مابعد
Congo Free State

ییکے بادشاہت کانگو دے علاقے یاتانگا چ گرانگانزے لوکاں دی بادشاہ مسیری دی قیادت چ 1856ء توں 1891ء تک تھوڑے چر لئی قائم رہن آلی بادشاہت سی ۔ ایہہ کجھ چر لئی گھبلے دکھنی افریقہ دی سبتوں طاقتور ریاست بن گئی تے اسدا رقبہ 5 لکھ مربع کلومیٹر تک پھیل گئیا ۔ دکھن چ صحرائے کالاہاری تے لوزی بادشاہت تے اتلے چ کانگو برساتی جنگلات دے تجارتی رستے بند ہون پاروں ، افریقہ دا چڑھدے توں لہندے ول جاندا واحد تحارتی رستہ وی اس دے کنٹرول چ سی ۔

ایتھے دا بادشاہ مسیری اصل چ تنزانیہ چ توبارا دا نیامویزی ( جنہاں نوں ییکے یاں باییکے وی آکھئیا جانا سی) سی ۔ ایہہ دریائے لواپولا دے لہندے چ وسانگا سردار دے لنڈا دشمناں نوں شکست دے کے اسدا جانشین بن گئیا ۔ اقتدار چ آ کے اسنے گونڈھی قبیلےآں نوں فتح کر کے ایس سرداری نوں بادشاہت ج بدل دتا ۔

اپنے راجگھر بنکیئیا توں ییکے بادشاہت نے متاوا کازیمبے دے لہندے علاقے تے لوبا سلطنت دی دکھن ول فتوحات روک دتیاں تے دکھنی لہندے دے قبیلےآں نوں مفتوح کر لئیا اتے انگولا تک دا تجارتی رستہ وی اپنے قبضے چ لے لئیا ۔

جدوں بیلجیم دے بادشاہ لیوپولڈ II نوں پتا لگا کہ ییکے بادشاہت دا چڑھدی لہندی تجارت کنٹرول تے تانبا تے سونا وی وڈی مقدار چ ایتھے موجود اے تے اسنے کانگو فری سٹیٹ نال اس بادشاہت نوں ملان لئی ، اک فوجی مہم بھیجی ۔ سیسل رہوڈوس نے وی ایس بادشاہت نوں اپنی برٹش ساؤتھ افریقہ کمپنی دے علاقےآں نال ملان لئی اک مہم گھلی ۔ لیوپولڈ دی گھلی مہم نوں ایس چ کامیابی ملی ، جس نے بادشاہ مسیری نوں قتل کر کے بادشاہت دا خاتمہ کر دتا تے اسدے علاقےآں تے قبضہ کر لئیا ۔ بعد چ ایہہ اپنی انتظامیہ دے ہیٹھ بیلجیمی کانگو چ شامل کر لئی گئی ۔