ہنری رائس

ایہ آرٹیکل پورا نہیں ہویا، ایس تے ہور کم دی لوڑ اے

ہنری رائس (27 مارچ 1863 – 22 اپریل 1933) اک برطانوی مستری تے گڈياں دا ڈیزائنر سی جینے چارلس رولز دے نال رل کے رولز-رائس کمپنی کھولی۔

ہنری رائس 27 مارچ 1863 نوں الوالٹن، ہنٹنگڈنشائر وچ جیمز تے میری رائس دے گھر جمیا تے اوہناں دے 5 نیانیاں وچوں سب توں نکا سی۔ ایہ ٹبر آٹے دی چکی چلاندا سی پر بپار نہ چلن تے ایہ ٹبر لندن آگیا۔ 1872 وچ پیو دے مرنے تے رائس نوں اخبار ویچنے پۓ، ٹیلیگرام گھر اپڑان دا کم کرنا پیا۔ اوہ اک سال ای سکول جاسکیا۔ 1878 وچ اک ماسی کولوں پیسے ملن تے اوہ گریٹ ناردرن ریلوے وچ کم سکھن لگ گیا۔ 3 سال مگروں پیسے مکن تے اوہ لیڈز وچ اوزار بنانوالی کمپنی وچ لگ گیا۔ اک ہور تھاں کم کرن مگروں اوہنے بجلی دیاں شیواں بناندی کمپنی کھولی۔ اوہ ڈآئنمو تے بجلی دیاں کریناں بناندے سن۔

بپار وچ مندا ہون تے اوہنے کاراں بنان دا سوچیا۔ اوہنے 1901 تے 1903 وچ دو گڈیاں ملی لیاں۔ اوہناں نوں ویکھ کے اوہنے اک ودھیا گڈی بنان دا آرپلا کرنا شروع کردتا۔ 1904 وچ اپنی ورکشاپ وچ اوہنے اپنی پسند دی گڈی بنائی۔اینج دیاں دو ہور گڈیاں وی بنیاں۔ 2004 وچ اوہدی ملنی چارلس روز نال ہوئی۔ دونویں رل کے گڈیاں بنان دی کمپنی رولز-رائس دا مڈ رکھدے نیں۔ پہلی رولز رائس کار رولز-رائس 10 ایچ پی دسمبر 1904 دے پیرس موٹر شو وچ رکھی گئی۔ 1907 وچ کمپنی ودھیا کاراں بنان دے انعام جتن لگ گئی۔ رائس اینڈ کمپنی اک وکھری کمپنی بن کے چلدی رئی۔ دوناں دی ساجھیداری 1910 وچ مک گئی جدوں رولز رائٹ فلائر اڈاندیاں مرجاندا اے۔

ہنری رائس اک کاما جنا سی۔ اوہ اپنے کم دے پچھے اینا پیا ریندا سی جے کھان پین بھل جاندا سی، ایس باہجوں پہلے 1902 تے فیر 1911 وچ ماندا پے گیا۔