ہربرٹ کننگھم

ہربرٹ کننگم کلوزسٹون [1856-1936]

ہربرٹ کننگم کلوزسٹون کاماگاٹامارو دے ویلے تھوڑھا سماں پہلاں ہی بھارتی سول سروس چوں ریٹائرڈ ہویا اہلکار سی۔ 1914 وچّ اوہ برٹش کولمبیا (کینیڈا) دے کوویچن ویلی،ڈنکن نیڑے 79 ایکڑ دی جائداد جو کہ اسنے 1911 وچّ خریدی سی، 'تے رہندا سی۔ اوہ شمالی ہندستان دے اک بریٹیش-بھارتی فوحی پروار وچّ جنمیا اتے سینڈہرسٹ وچّ سکھیا لین چلے گیا۔ اسنے بھارت وچّ ویلنگٹن کالج وچّ سکھلائی حاصل کیتی اتے پیشے دے شروعاتی دناں وچّ بنگال پولیس وچّ سیوا نبھائی۔ اسنوں بنگال سرکار نال خاص سیواواں لئی تعینات کیتا گیا سی اتے بعد وچّ بھارت سرکار دی فارن سروس لئی کم کیتا تے بعد وچّ اجمیر،ڈھولپور اتے اندور صوبےآں وچّ رہائش کیتی۔ 1906 وچّ اسنوں اندور دے نوجوان مہاراجہ ہولکر دا استاد مقرر کیتا گیا۔جدوں کینیڈا سرکار نوں کاماگاٹامارو تٹّ سنستھا ولوں کیتے گئے نقصان دے دعویاں لئی کسے خاص ایکٹ دی لوڑ پئی تے اوہناں نے کلوزسٹون نوں اسدے تجربے اتے رتبے دی بنیاد تے تعینات کیتا گیا۔1914 وچّ اسنے کوئی معاوضہ نہ دین دی رپورٹ پیش کیتی۔ اسنے صلاحَ دتی کہ بھارتی بھائیچارے دے اوہناں میمبراں نوں حوصلہ تے مدد دتی جاوے جو کمیٹی تے دوش لا رہے ہن۔ اگست 1917 نوں کلوزسٹون لیبر کورپس دا کیپٹن بنکے کینیڈا توں فرانس پہلی وڈی لڑائی دے میدان وچّ چلا گیا سی۔ جدوں اوہ مریا اوس سمیں اوہ سرے، دکھن-چڑھدے انگلینڈ وچّ رہندا سی۔