گرمیہر کور

گرمیہر کور اکّ بھارتی کڑی ہے۔ اوہ دلی یونیورسٹی دے لیڈی سری رام کالج وچّ انگریزی ساہت دی طالبہ ہے۔ اوہ فروری 2017 وچّ دلی یونیورسٹی دے رامجس کالج وچّ ہو رہے طلبہ جھگڑے کارن سرخیاں وچّ آئی سی کالج وچّ جواہر لال نہرو یونیورسٹی دے طلبہ عمر خالد اتے شہلا رشید نوں اکّ سیمینار وچّ بلائا گیا سی جسدی بھارتی جنتا پارٹی دی طلبہ تنظیم اکھل بھارتیہ ودھیارتھی پریشد نے سخت مخالفت کیتی۔ گرمیہر نے اکّ ویڈیو انٹرنیٹّ اُپر پا دتی جس وچّ اسنے اے بی وی پی خلاف بے باک ہون دا سنیہا دتا۔ ویڈیو دے چرچت ہندے سار ہی گرمیہر نوں دھمکیاں ملنیاں شروع ہو گیئاں تے اس اُتے غدار ہون دے الزام لگنے شروع ہو گے۔

مڈھلا جیون

گرمیہر کور دا جنم پنجاب دے ضلع جالندھر وچّ پیؤ مندیپ سنگھ اتے ماں راجوندر کور دے گھر ہویا۔ اسدا پیؤ بھارتی فوج وچّ افسر سی تے کارگل دی لڑائی وچّ ماریا گیا۔ گرمیہر صرف دو سالاں دی سی جد سدا پیؤ جنگ وچ ماریا گیا ۔

بھارت پاکستان سکھاویں تعلقاں دی سفیر

گرمیہر نے اپریل 2016 وچّ بھارت-پاکستان دے درمیان امن والا ماحول اتے سکھاویں تعلق بناؤن دی لوڑ تے زور دین والی اکّ ویڈیو انٹرنیٹ اُتے پائی سی۔ فروری 2017 وچ اے بی وی پی دے خلاف پائی اکّ ہور ویڈیو نے اسنوں دوبارہ چرچہ وچّ لے آندا۔ مرکزی وزیر داخلہ کرن رججو نے اس اُتے تکھا شبدی حملہ کردے ہوے سنوں غدار کہہ دتا کجھ مشہور ہستیاں جویں ورندر سہواگ اتے رندیپ ہڈا نے وی اسدا مذاق اڈان دی کوشش کیتی شاعر جاوید اختر نے گرمیہر کور دا حوصلہ ودھاندے ہوے کرن رججو نوں ہی سوال کیتا کہ آخر اوہناں نوں بھڑکا کون رہا ہے۔