کملا داس ثریا

کملا ثریا (پہلاں کملا داس)
قلمی ناں	مادھویکٹی
کم کِتہ	شاعر، نکی کہانی لکھاری
قومیت	بھارتی
صنف	شاعری، نکی کہانی
وڈے اعزاز	ایشیئن پوئٹری پرائیز، کینٹ ایوارڈ فار انگلش رائیٹنگ، آسیان ورلڈ پرائیز، ساہت اکیڈمی اوارڈ، ویلار اوارڈ
سواݨی	مادھوَ داس

کملا داس (31 مارچ 1934 ~ 31 مئی 2009) ہندوستان وچّ انگریزی تے ملیالم زبان دی مشہور ودوان شاعرہ تے ساہتکار سی۔ ملیالم ساہت وچّ اوہناں نوں مادھویکٹی کیہا جاندا سی۔ اوہناں نوں انگریزی تے ملیالم ادب وچّ کمال حاصل سی۔

پرواری پچھوکڑ

کملا داس 31 مارچ 1934 نوں بھارت دے کیرالا صوبے دے اک برہمن خاندان وچّ پیدا ہوئی۔ آپ دے والد ایم نائر اتے ماں اس دور دی مشہور ملیالم شاعرہ بالامانیمیما سی۔

ساہتی زندگی

آپ دی ساہتی زندگی دا آغاز 8 سال دی عمر وچّ ہی ہو گیا سی جدوں آپ نے وکٹر ہیوگو دیاں تحریراں دا اپنی مادری زبان وچّ ترجمہ کیتا۔ آپ دی پہلی کتاب " سمران کلکتہ " سی جس نے آپ نوں انقلابی ساہتکاراں دی صف وچّ لیا کھڑا کیتا۔ آپ دیاں تحریراں وچّ مرد پردھانگی والے سماج وچّ عورتاں دی بے بسی دا ذکر ہے اتے اوہناں دی آزادی دے لئی آواز اٹھائی گئی ہے۔ آپ نے اپنے پاٹھکاں نوں نابرابری نوں ختم کرن لئی سوچن دے راہ توریا۔

شاعری دی اس دی دوجی کتاب، دی ڈسینڈڈینٹس بہت بیباکی نال عورت نوں کہندی ہے:

اسنوں سبھ سونپ دیو، اوہ سبھ جو تہانوں عورت بناؤندا ہے

لمے والاں دی مہک، چھاتیاں دے وچّ مڑکے دی کستوری،

تہاڈی ماہواری دے لہو دی نگھی جھون

اتے تہاڈی اوہ ساری دی ساری ناری بھکھ ... – آئینہ

آواز دی اس سادگی کارن مارگویریٹ دراش اتے سلویا پلاتھ دے نال اسدی تلنا کیتی گئی۔

اسلام قبول کرنا

کئی برس اسلامی سکھیاواں دا مطالعہ کرن دے بعد آپ نے اسلام قبول کر لیا جس کر کے بھارت اتے کیرالا دے ساہتی اتے سماجی حلقیاں وچّ اک طوفان آ گیا۔ اس اُتے آپ دے اہل خانہ نے اس فیصلے نوں قبول کر لیا۔ اسلام قبول کرن مکروں آپ دا نام ثریا رکھیا گیا۔ اسلام قبول کرن بڑی وجہ جو اوہ بیان کریا کردی سی اوہ اوہناں دے شبداں وچّ، " اسلام نے عورتاں نوں جو حق دتے ہن اوہ جان کر میں حیران ہاں۔ میرے اسلام قبول کرن دے پچھے اسلام ولوں عورتاں نوں دتے حقاں دا بڑا کردار ہے۔

مکھ رچناواں

انگریزی

• 1964: د سائرنج (ایشیئن پوئٹری پرائیز جیتو)
• 1965: ثمر ان کیلکٹا (شعری-مجموعہ )
• 2001: یا اﷲ (شعری-مجموعہ)
• 1967: دا ڈسینڈینٹس (کویتا)
• 1973: دا اولڈ پلیہاؤس اینڈ ادر پوئمز (شعری-مجموعہ)
• 1977: الفابیٹ آف لسٹ (ناول)
• 1996: اونلی د سول نوز ہاؤ ٹو سنگ (کویتا)
• 1976: مائی سٹوری (سوے-جیونی)

ملیالم

اعزاز

• ایشیئن پوئٹری پرائیز
• کینٹ ایوارڈ فار انگلش رائیٹنگ
• آسیان ورلڈ پرائیز
• ساہت اکیڈمی اوارڈ
• ویلار اوارڈ