کرۂ متغیرہ

کرۂ متغیرہ (انگریزی: troposphere) کرۂ ہوا دی سبھ توں تھللی پرت اے۔ ایہ زمین دی قریب ترین فضائی پرت اے۔ ایہ کرہ یا پرت زمینی سطح توں شروع ہُندی اے تے شمالی تے جنوبی قطبین توں تقریبن 9 کلومیٹر (30،000 فٹ) دی بلندی تک جد کہ خط استوا توں 17 کلومیٹر (56،000 فٹ) دی بلندی تک پھیلی ہوئی اے۔ ایہ زمین دی سطح توں منتقل ہوݨ آلی توانائی نال گرم رہندی اے تے تھلیوں اُپر جاندے ہوئے ایتھے درجا حرارت وچ کمی واضح طور تے محسوس ہُندی اے۔ تھلیوں اُپر تک درجا حرارت میں 17 ڈگری سینٹی گریڈ توں لے کے 52– ڈگری سینٹی گریڈ تک کمی محسوس کیتی جا سکدی اے۔

اِس پرت دا کمیتی وزن کُل کرۂ ہوا دا 80 فیصد کمیتی وزن ہُندا اے یعݨی گیساں دی اکثریت ایسے پرت وچ پائی جاندی اے۔ اِس کرہ دی خاص گَل ایہ وی اے کہ ایہدے وچ موسمی تبدیلیاں خوب واضح ہُندیاں نیں تے ایسے لئی ایہنوں موسمی پرت وی کہیا جاندا اے۔ بدل، بارش تے ہوا - ایہناں سَبھ دا تعلق ایسے پرت نال اے۔