ڈیسالٹ رفیل

ڈیسالٹ رفیل فرانس دا لڑاکہ جہاز اے۔ اینوں فرانس دی کمپنی ڈیسالٹ نے بنایا اے۔ اے جہاز بوت پھرتیلا اے۔ ایہدے چ دو انجن ہوندے نیں تے ایہدے چ اک یا دو پائلٹان دی جگہ ہوندی اے۔ اینوں زمین توں یا فیر ایرکرافٹ کیریئر تون اڈایا جا سکدا اے۔ اینوں دوجیاں دیساں اگے بیچن دی وی کوشش کیتی گئی اے مگر ہلے تک کسے نے وی اینوں خریدیا نئیں اے۔ ایہدا مل 82 توں 90 ملین ڈالر دے درمیان اے۔ 120 رفیل فرانس دے کول ہلے استعمال چ نیں۔

پہلا رفیل 4 جولائی 1986 نوں اڈیا تے سب توں پہلا مکمل تیار جہاز 4 دسمبر 2000 نوں اڈیا۔ رفیل پروگرام تے 27.82 بلین یورو خرچ ہوۓ۔ مڈلے 1970آں چ فرانس دی ایرفورس تے نیوی نوں پرانے جہازاں دے بدلے اک نوا جہاز چائیدا سی۔ اس لئی اوناں نے شروع چ برطانیہ اٹلی سپین تے جرمنی نال رل کے یورو فائٹر ٹائیفون تے کم شروع کیتا پر فرانس بعد چ اپنے ڈیزائن دے پچھے اے ٹولی توڑ دتی تے کلیاں ای رفیل تے کم شروع کیتا۔

گن

بناوٹ

ڈیسالٹ رفیل اک ڈیلٹا پراں آلا جہاز اے جہدے پراں اگے دو نکے کینارڈ وی لگے ہوندے نیں۔ ایناں کینارڈاں دی وجہ توں زیادہ لفٹ بناندا اے تے جلدی اڈ پیندا اے۔ اے بوت پھرتپیلا وی اے تے اے 9جی تے منفی3جی تک سہہ سکدا اے تے ایمرجنسیاں چ 11جی تک وی سہہ لیندا اے۔ کینارڈاں دی وجہ توں اے 213 کلومیٹر فی کینٹے دی تیزی دے نال وی اتر سکدا اے۔ اے جہاز 400 میٹر دی رن وے تون وی کم کرسکدا اے۔

کھوجی سسٹم

رفیل چ دوجے جہازاں دا کھوج لان لئی تے اوناں نال لڑائی کرن لئی تھیلز آر بی ای 2 پیسا ریڈار ہوندا اے۔ اے ریڈار 40 جہازاں دا کھوج اک وقت چ رکھدا اے تے 8 جہازاں تے میزائل مار سکدا اے۔ اے ریڈار جہاز نوں راہ وکھان آستے بوت اچھے نقشے وی بنا سکدا اے۔

اگر کوئی جہاز ریڈاہر ورت ریا ہوۓ تے ایدا پتہ بڑی آرام نال لگ جاندا اے اس لہئی رفیل چ مختلف دوجے کھوجی سسٹم وی نیں۔ اینان چوں اک جہاز دے اگے لگیا ہوندا اے جیڑا کے انفراریڈ تے نظر آن آلی روشنی چ دشمن دا کھو لا سکدا اے۔ رفیل چ تھیلز کمپنی دا سپیکٹرا سسٹم وی ہوندا اے جدے نال اوہ بغیر کسے دشمن نوں پتہ لگے سنگیاں نال گل بات کر سکدا اے۔ اس جہاز زمین تے نشانہ لان آستے ریڈار وی کم کردا اے تے اس تون علاوہ ایدے تے نشانے آلی پاڈ وی رکھے جا سکدے نیں۔

کاکپٹ

پائلٹ اک مارٹن بیکر کمپنی دی ایجکشن سیٹ دے اتے بیندا اے تے جہاز نوں سجے ہتھ تے لگے سٹک نال ٹوردا اے تے کھبے ہتھ دے بٹناں نال انجناں نوں کنٹرول کردا اے۔ کاکپٹ چ اک ہولوگرافک ڈسپلے پائلٹ دے اگے لگیا ہوندا اے تے اس توں علاوہ پائلٹ دے ہیلمٹ تے وی اے سسٹم جلد ای لا دتا جاۓ گا۔

پائلٹ ریشم دے گلو پاندا اے تے اوہ جہاز دی سکریناں نوں دبا کے وی کم کر سکدا اے۔ پائلٹ بول کے وی جہاز تے کم کر سکدا اے۔

ورژن

رفیل دے ترے ورژن نیں اک ورژن ایرکرافٹ کیریر توں اڈان آستے تے دو زمین توں اڈن آلے زمین توں اڈن آلیاں چوں اک چ اک پائلٹ تے دوجے چ دو بہندے نیں۔

بارلے جوڑ

ڈیسالٹ رفیل دی ویب سائٹ