دستاویزی فلم
دستاویزی فِلم ، ڈاکیومنٹری فِلم ، ڈاکیومنٹری (انگریزی: Documentary film) اک غیر افسانوی موشن پکچر اے جیہدا مقصد "حقیقت نوں دستاویز کرنا، بنیادی طور تے ہدایات، تعلیم یا تاریخی ریکارڈ نوں برقرار رکھݨا" اے۔ بل نکولس نے دستاویزی فلم نوں "فلم سازی دی اک مشق، اک سنیما دی روایت، تے سامعین دے استقبال دا طریقہ [جو کہ واضح حدود توں بغیر اک مشق اے]" دے لحاظ ناݪ نمایاں کیتا اے۔
اِبتدائی دستاویزی فِلماں، جو اصل وچ "حقیقت دیاں فِلماں" کہلاؤن٘دیاں نیں، مُختصر طور تے اک منٹ یا ایس توں کَعھٹ تَک چَلدیاں سی۔ وقت گُزرن دے ناݪ، دستاویزی فِلماں دورانیے وچ طوِیل ہوݨ تے مزید زُمریاں نوں شامل کرن لئی تیار ہوئیاں۔ کچھ مثالاں تعلیمی، مشاہداتی تے دستاویزی نیں۔ دستاویزی فِلماں بہت معلوماتی ہُن٘دیاں نیں تے اکثر سکولاں وچ مُختلِف اصول سکھاؤݨ لئی بطور وسیلہ اِستعمال ہُن٘دیاں نیں۔ دستاویزی فلم سازاں دی ذمہ داری اے کہ اوہ جاݨ بُجّھ کے کِسے موضُوع نوں غلط انداز وچ پیش کیتے بغیر دُنیا دے بارے وچ اپنے وژن دے ناݪ سچے رہݨ۔
سوشل میڈیا پلیٹ فارمز (جِدّاں یوٹیوب) نے دستاویزی فلم دی صنف دی ترقّی لئی اک راستا فراہم کیتا اے۔ ایہناں پلیٹ فارمز نے ڈِسٹریبیوشن ایریاز نوں پھیلایا اے تے آسانی ناݪ رسائی وچ اضافَہ کیتا اے۔