چکچوندھر

چکچوندھ (یا چکوندھر) چوہے ورگا اک جانور ہُندا اے ۔ ایہ عام طور تے رات نوں نکلدا اے ۔ چکچوندھر دیاں تقریبن 30 پرجاتیاں نیں پر ایہناں وچوں کچھ پرجاتیاں ای اکثر دیکھن نوں ملدیاں نیں ۔ ایہ اکثر زمین وچ لمبیاں ڈونگھیاں کُھڈاں دے اندر یا کھیتاں دے آس پاس رہندے نیں ۔ چکچوندھر عام طور تے زمین دے تھلے ڈونگھی سرُنگ بناؤندے نیں ۔ ایہناں دی کھودن دی طاقت دا اندازا اس گل توں لایا جا سکدا اے کہ ایہ اک کھیت وچ ای 200 فٹ توں وی زیادہ لمبی سرنگ سوکھ نال کھود سکدے نیں تے اک منٹ توں وی گھٹ وقت وچ اک کُھڈ پٹ کے اوہدے وچ سما سکدے نیں ۔ دراصل چکچوندھر دے پنجے بہت تیز تے نوکیلے ہُندے نیں ۔ ایہدیاں بنایاں سرُنگاں دی بناوٹ اِنی گُنجھل دار ہندی اے کہ دوجے جانوراں لئی ایہناں وچ جانا سرکھات نہیں ہندا ۔