چولستانی گانواں

چولستانی پنجاب وچ گانواں دی اک زیبو نسل اے جو بنیادی طور تے دُدھ دی پیداوار لئی پاݪی جاندی اے۔ چولستانی نسل دی ابتداء صحرائے چولستان توں ہوئی اے۔

تفصیل

چولستانی اک وڈا ڈنگر اے جیہدے چٹے کوٹ اُتے کاݪے تعھبے ہُندے نیں۔ چولستانی گاں عمومن 13 توں 15 لیٹر روزانا دُدھ دیندی اے۔ بیل گوشت لئی استعمال ہُندے نیں تے ایہناں دا وزن 800 توں 900 کلو گرام ہُندا اے۔ ایہناں دا مدافعتی نظام چنگا اے۔

آبائی علاقہ

ایہ جانور ساہیوال گانواں دے آباؤاجداد سمجھے جاندے نیں۔ ایہناں دا آبائی وطن پنجاب وچ چولستان دا علاقہ اے۔

خواص

اس نسل دے ڈنگر درمیانی جسامت تے ٹِعھلی جِلد آݪے ہُندے نیں۔ چِٹی جسمانی رنگت اُتے کاݪے رنگ دے تعھبے، چھوٹا سر تے درمیانے، لٹکدے کن ہُندے نیں۔ نر جانور دے چھوٹے سِنگ ہُندے نیں تے گانواں اکثر بغیر سِنگ توں ہُندیاں نیں۔ کاݪی تھوتھنی، کاݪیاں پلکاں، پعھاری پھیلی ہوئی چعھالر، لٹکی ناف، نر جانور دی پعھاری کوہان، لمبی پونچھ سِرے توں کاݪی، متوازن لمبائی دے تھݨ اس نسل دی امتیازی خصوصیات نیں۔ چولستانی نسل دی ٹُعھٹھ ایہدی خصوصیت اے کیونکہ ایہ کِسے وی دوسری نسل توں وڈا ہُندا ے۔

ہور دیکھو

• گاں
• گانواں
• ساہیوال گانواں
• ہولسٹن فریزین گانواں
• اسٹریلیئن فریزن ساہیوال