چشمہ جہلم لنک نہر

چشمہ جہلم لنک نہر، پنجاب، پاکستان وچ دریائے انڈس تے دریائے جہلم نوں جوڑدی اے۔ ایہ نہر انڈس دریا اپر بݨے چشمہ بیراج توں نکل کے جہلم دریا اپر بݨے رسول بیراج توں تھلے جہلم دریا وچ ڈگھدی اے۔ ایہدی گنجائش 21700 کیوسکس اے۔ اس نہر دا پاݨی دریائے چناب تے دریائے جہلم دے سنگم اُتے بݨے تریموں بیراج توں نکلدیاں رنگ پور، حویلی نہراں تے دریائے راوی توں نکلدی سدھنائی نہر تے دریائے ستلج توں نکلدیاں میلسی نہر تے بہاول نہر نوں تریموں سدھنائی لنک نہر تے سدھنائی بہاول میلسی لنک نہر راہیں پاݨی فراہم کردی اے۔ جیہدے نال ملتان ڈویژن تے بہاول پور ڈویژن دے علاقے نوں آبپاشی لئی پاݨی مِلدا اے۔