انگریزی کلیسا ۔ انگریز عیسائیاں دا مذہبی نظام ۔ انگریزی کلیسا وی پہلے پاپائے روم نال ملحق سی ۔ پر اس نال ایہہ نا سمجھنا چاہیدا کہ عیسائی مذہب انگلستان چ رومی سلطنت دے نال داخل ہوئیا ۔ سبتوں پہلے مقدس آگسٹین نے انگریزاں نوں عیسائی مذہب نال روشناس کروائیا ۔ تے کنٹری بری کینٹ نوں اپنا مرکز بنائیا ۔ شروع چ مقدس آگسٹین دی جماعت وی کلیسائے روم دا اک حصہ سی ، پر صحیح معنےآں چ انگریزی گرجا نارمن فتح دے بعد یورپ دے انتظامی اقتدار دے ہیٹھ آئیا ، پر ایہہ جماعت کسے ویلے وی مکمل طور تے پوپ دے ماتحت نا آئی تے اس دا ناں کیتھولک چرچ آف انگلینڈ ای رہئیا ۔

فائل:Logo of the Church of England.png
چرچ آف انگلینڈ دا لوگو
کینٹربری دا کیتھڈرل ، کینٹربری دے لاٹ پادری دا راجگڑھ
چرچ آف انگلینڈ دا موجودہ سربراہ (آرچ بشپ آف کینٹربری) روون ولیمز

پروٹسٹنٹ اصلاحات دے دوران ہنری VI نے پوپ دے جوئے نوں مکمل طور تے لاہ سٹئیا تے شاہ انگلستان امیر جماعت تے محافظ قرار پائیا ۔

ایہہ جماعت حسب ضابطہ انگلینڈ دی شاہی مذہبی جماعت اے تے دیس دا اک اہم محکمہ بنی ہوئی اے ۔ اس جماعت دے بشپ یعنی لاٹ پادری اپنے عہدے دے پاروں برطانوی پارلیمنٹ دے دارالامراء دا رکن ہندا اے تے قنون سازی دے موقعے تے اسدی مخالفت کر سکدا اے ۔ ایڈورڈ VIII دی تخت دستبرداری چ ایسے طبقے دا ہتھ سی ۔

16ویں صدی عیسوی چ مذہبی آزادی دے اصول نوں تسلیم کر لئیا گئیا تے ہر مذہب تے ملت دے لوک انگلستان چ بلا خوف تے خطر جیون بتان لگے ۔ پر حالے وی انگلستان دے دو تہائی نویں جمن آلے بچے چرچ آف انگلینڈ دے گرجےآں چ جا کے " بپتسمہ" لیندے نیں ۔

کنٹری بری دا آرچ بشپ سارے نظام دا سردار اے ۔ اسدے انتظامی عہدے دا ناں پرائمیٹ اے ۔ اس دے تھلے ویلز تے آئرلینڈ اے ۔

اس دی اک چرچ اسمبلی اے جس چ پادریاں دے علاوہ دوجے رکن وی ہندے نیں ۔ ایہہ صرف انتظامی امور لئی منعقد ہندی اے ۔ اس اسمبلی دے وضع کردا قنون پارلیمنٹ چ جاندے نیں ، جہڑی اینہاں نوں رد کر سکدی اے پر اینہاں چ ترمیم نئیں کر سکدی تے جے منظور کرے تے شاہی مہر لگ کے دوجے قنوناں وانگ نافذ العمل ہندے نیں ۔

ہور ویکھولکھو

حوالےلکھو

فیکٹ فائل:انگلستانی گرجا پورے جگ چبی بی سی فیکٹ فائل ۔

باہرلے جوڑلکھو