چترا لمڈھینگ

اضغط هنا للاطلاع على كيفية قراءة التصنيف چترا لمڈھینگ
صورت حال
! colspan = 2 | حیثیت تحفظ
Near Threatened  (IUCN 3.1)
اسمیاتی درجہ	پرجاتی
جماعت بندی
مملکت:	جانور
جماعت:	پنچھی
طبقہ:	سیکونیفرمز
خاندان:	سیکونیڈیئی
جنس:	مائیسٹیریا
نوع:	ایم۔ لیوکوسیفالا
سائنسی نام
Mycteria leucocephala  Thomas Pennant   ، ۱۷۶۹
مرادفات
‏ٹنٹالس لیوکوسیفالس‏

چترا لمڈھینگ {(en:painted stork:) (Mycteria leucocephala)} وڈے سائز دا پنچھی اے جو پانی وچوں اپنی خوراک حاصل کردا اے۔ ایہہ پنچھی برصغیر دے ہمالیا دے میدانی کھنڈاں دیاں جلگاہاں (wetland)توں لیکے دکھنی ایشیا تک ملدا اے۔ چترے لمڈھینگ دے سوہنے رنگاں، لمیاں لتاں اتے وڈے قد کرکے اس نوں ‘چترا لمڈھینگ’ کہندے ہن۔ اس دیاں کوئی 19 نسلاں دے سانجھے پروار نوں ‘سیکونیڈیئی’ کہندے ہن۔ ایہہ اکلے-اکلے، جوڑیاں جاں چھوٹیاں ٹولیاں دے روپ وچ ہند-براعظم دے لہندے-اتلے اتے چڑھدے-اتلے پہاڑی علاقے، سنگھنے جنگل اتے بہتے خشک ریگستان تازے پانیاں، دریاواں دے کنڈھے، دلدلاں، چھمبھاں، وڈیاں جھیلاں دے کنارے، گٹے توں گوڈے-گوڈے پانی وچ رہنا پسند اے۔ آرام کرن ویلے ایہہ وڈے درختاں دے اپر ٹولیاں دے روپ وچ پانیاں وچ تے ریت دیاں ٹلیاں اتے دیکھے جاندے ہن۔ اس دے سنگھ وچ آواز پیدا کرن والا آلہ ہی نہیں ہندا۔ اس دی خوراک چھوٹیاں مچھیاں، پانی دے وڈے کیڑے-مکوڑے، کیکڑے، ڈڈو اتے سپّ ہن۔ ایہناں دی عمر لگبھگ 28 سال ہندی اے۔

سائز

اس دی اچائی 93 توں 100 سینٹیمیٹر، کھنبھاں دا پھیلاء 150 توں 160 سینٹیمیٹر اتے بھار 2 توں 3.5 کلو ہندا اے۔ اس دیاں لتاں اتے پنجے وی سنگتری-پیلے ہی ہندے ہن۔ اس دی بھاری، لمی اتے ہولی-ہولی ہیٹھاں نوں مڑی ہوئی چنجھ اتے ننگا سر چمکدے سنگتری-پیلے رنگ دے ہندے ہن جہڑے بہار دے موسم وچ لال ہو جاندی اے۔ اس دی گردن اتے پٹھّ گھسمیلے چٹے رنگ دی اتے کھنبھ ہری بھاہ والے کالی ہندی اے۔ اس دے کھنبھاں اتے چٹیاں پھانٹاں دا لہریا جیہا بنیا ہندا اے اتے وڈے اڈن والے کھنبھاں دا گلابی-تربوزی رنگ ہندا اے۔ اس دی پوچھ دے کھنبھ کالے ہندے ہن۔ اس دی چھاتی اتے بنی چوڑی کالی پٹی اتے وی چٹا جاں گلابی لہریا ہندی اے۔

اگلی پیڑھی

ایہناں اتے بہار مونسون دے انت وچ جولائی توں اپریل وچ آؤندی اے۔ ایہہ وڈے درخت اتے موٹیاں ٹہنیاں نال ٹوکرے ورگا آلھنا 10 توں 20 میٹر دی اچائی تے پاؤندے ہن۔ آلھنے دے وچکار نوں پانی دے پودیاں دی ورتوں کرکے پولا کردے ہن۔ مادہ 3 توں 5 گھسمیلے چٹے انڈے دندی اے جناں اتے کتے-کتے بھوریاں لیکاں جاں بندیاں ہندیاں ہن۔ نر اتے مادہ واری-واری 27 توں 32 دن انڈے سیک کے پنگلے جہے بند اکھاں والے بوٹ کڈھ لیندے ہن۔ نر اتے مادہ دوویں پالدے ہن۔

فائل:Migratory birds in Village Pond Motemajra, SAS Nagar ، Punjab,India 02.JPG

موٹیماجرا پنڈ دی ڈھاب وکھے 2015

موٹیماجرا پنڈ دی ڈھاب وکھے دسمبر 2016

پینٹڈ سٹارک
Painted Stork
Mycteria leucocephala
دیس :	دکھنی ایشیاء تے دکھن لہندا ایشیاء

حوالے

باہری لنک

وکسپیشیز دے اُپر

Mycteria leucocephala

دے متعلق جانکاری اے ۔۔

• Photographs and video – Internet Bird Collection