پینجا
پین٘جا (انگریزی: Carder)، روں پِنجݨ آݪے نوں کہیا جان٘دا اے۔ پین٘جے دے کَم نوں پن٘جائی (انگریزی: Carding) کہیا جان٘دا اے۔ پین٘جے نوں دھنیا وی کہیا جان٘دا اے۔ پراݨے وقتاں وچ پین٘جے تُر پھر کے پِن٘ڈّاں تھان٘واں وچ روں پن٘جدے سی۔
_p144_A_COTTON_CARDER_AT_WORK.jpg)
روں پِن٘جݨ واسطے کمان آݪے تاڑے دا اِستعمال برصغیر پاک و ہن٘د وچ دوجی صدی عیسوی توں ہو رہیا سی۔ پہلوں پہل کمان آݪے تاڑے ورتے جان٘دے سی فیر کمان توں بغیر وی اِستعمال ہوݨا شُرُوع ہوگئے۔ پَر ہُݨ پین٘جے پراݨے سَن٘د ورتݨے چَھڈ کے مشیناں ناݪ پن٘جائی دا کَم کردے نیں۔
پن٘جائی دا طریقَہ سودھو
پین٘جا تن٘دی اُتّے روں رَکھ رَکھ کے تار نوں ضرباں ماردا اے تے تار اُتّے پئی روں اوہدے ناݪ پھیتی پھیتی ہو کے پِن٘جی جان٘دی اے۔
پین٘جے دے متعلقات سودھو
کمان : کمان نوں چَھتّ یا چھتِیری ناݪ بَنھ کے ایہدے ناݪ تاڑا لٹکایا جان٘دا سی۔
تاڑا : لکڑی دا اوزار یا موگّری۔ تاڑے نوں کمان دے ناݪ ڈوریاں پا کے لٹکا دِتا جان٘دا سی۔
تن٘دی : تاڑے وچ لگّی ہوئی تار جیہڑی روں نوں پن٘جدی اے۔
نرما : دیسی روں۔
لوگّڑ : پراݨی روں دے وڈّے وڈّے گوݪے۔
پن٘جابی شاعری وچ تذکرہ سودھو
پین٘جا پِن٘جے روں، پونی روں دی بݨاؤن٘دے
پونیاں جـے ہـوݨ تان٘ہی چـرخـا چـلاؤن٘ـدے
چـرخـا چلا کـے تن٘ـد تکـلے تے پـاؤن٘ـدے
تکـلے تـے پا کـے تن٘ـد سُـوتـر بݨـاؤن٘ـدے
سُوت دا بݨاؤن٘ـدے جے کھـدّر جنـاب اے
میـرا ایہ پن٘جاب اے میـرا ایہ پن٘جاب اے
(نسیـم فضـل نسیـمؔ)
(کتاب: میرا ایہ پن٘جاب اے)