پیر منگھو
| پیر منگھو | |
|---|---|
| جم |
|
| وفات |
|
ترمیم  | |
_21.JPG)
.jpg)
پیر منگھو، حافظ حاجی حسن سلطان، 13ویں صدی دے صوفی بزرگ سن۔ اوہناں دی درگاہ کراچی دے شمال مغرب وچ منگھو پیر دی پہاڑی اُتے واقع آ۔
روایات دے مطابق اوہ عرب سن تے علی ابن ابی طالب دی اولاد وِچوں سن۔ اوہ ماں دی طرفوں حسنی (حسن ابن علی دی اولاد) نیں تے والد دی طرفوں حسینی (حسین ابن علی دی اولاد) نیں۔ اوہ 13ویں صدی عیسوی وچ برصغیر پاک و ہند آئے۔ ایہ مسلماناں دی سرزمین اُتے تاتاریاں دے حملے دا وقت سی۔ جیہناں نے بڑی تباہی مچائی، پیر منگھو نے اوہناں دے خلاف جہاد وچ حصہ لیا، فیر حج کیتا۔
13 ویں صدی وچ جد منگول عراق اُتے حملہ کر رہے سی، اس وقت منگھو پیر عراق توں ایتھے تشریف لیائے۔ منگھو پیر نے پنجاب تے اندرون سندھ توں سفر کردے ہوئے ایتھے موجودہ کراچی شہر دے شمالی علاقے وچ سکونت اختیار کیتی۔ اس وقت کراچی وچ مچھیرےآں دیاں چھوٹیاں چھوٹیاں بستیاں آباد سی تے پیر منگھو جس جگہ عبادت کرن لئی ٹھہرے، اوہ الگ تھلگ، اک پہاڑی دے اُتے قائم سی تے کھجور دے درختاں ناݪ گِھری ہوئی سی۔ جلد ای مچھیرےآں دیاں بستیاں دے لوکاں نے اوہناں دی پیروی کرنی شروع کر دِتی۔ جَد اوہناں دی وفات ہوئی تاں مقامی لوکاں نے اس جگہ اُتے چھوٹا جیا مزار تعمیر کر دِتا۔ اک روایت اے کہ ایہ ڈاکو سی، بابا فرید کوݪوں اسلام قبول کیتا تے جرائم توں تائب ہو گئے۔ منگھو نے فیر بابا فرید دی رہنمائی وچ تصوف دی مشق شروع کردِتی تے بعد وچ اوہناں نوں پیر دا خطاب دِتا گیا، اوہ منگھو پیر کہلاؤݨ لگ گئے۔ اوہناں دے مسکن دے کوݪ گندھک آݪے گرم پاݨی دا اک چشما جاری ہو گیا، جِتھے ہُݨ وی زائرین جِلد دے امراض دے علاج دی امید وچ غُسل کرن جاندے نیں تے شفا یاب ہُندے نیں۔ ہر سال 8 ذوالحج نوں ہزاراں عقیدت مند سلطان سخی منگھو پیر دا عُرس مناؤندے نیں۔
ہور دیکھو
سودھو