پیؤ اتے پتر (ناول)

پیؤ اتے پتر
لکھاری	ایوان ترگنیف
مول سرلیکھ	Отцы и дети (اوتسی اِی دیتی، روسی اُچارن: [ɐˈtsɨ i ˈdʲetʲi])
دیس	روس
بولی	روسی
صنف	سیاسی، رومانٹک ،فلسفہ
پنے	226 (2001 ماڈرن لائبریری پیپربیک اڈیشن)
اس توں پہلاں	پوربلی سندھیا

ترگنیف، 1872 (چترکار: واسلی پیروو)

پیؤ اتے پتر (روسی :Отцы и дети,اوتسی اِی دیتی)، روسی لکھاری ایوان ترگنیف دا 1862 وچّ لکھیا جگ مشہور ناول ہے۔ ناول دے روسی نام دا ہوبہو لفظی مطلب 'پیؤ اتے بچے' ہے پر شعری سہج دے تقاضیاں تحت انگریزی ترجمہ 'فادرز اینڈ سنز' پرچلت ہو گیا اتے اسے توں پنجابی پیؤ اتے پتر، ہندی 'پتا اور پتر' اتے فارسی 'پدران او پسران' اتے اسے طرحاں ترجمہ ہورناں وکھ وکھ بولیاں وچّ ہو گئے۔

مکھ پاتر

• ییوگینی واسلیئیوچ بزاروف - اک دہریہ اتے میڈیکل طالب علم۔ اک دہریہ دے روپ وچّ اوہ ارکادی لئی اک رکھاک، اتے کرسانوف بھراواں اتے اپنے ماپیاں دے پرمپراگت روسی بنیاد پرست ادار وچاراں لئی اک ونگار ہے۔
• ارکادی نکولائیوچ کرسانوف - سینٹ پیٹرزبرگ یونیورسٹی توں نواں نواں گریجو ایٹ اتے بزاروف دا دوست۔ اوہ وی اک دہریہ ہے، حالانکہ اوہ بزاروف دے پیار کرکے ہی دہریہ ہون دی کوشش کردا ہے۔
• نکولائی پیترووچ کرسانوف - اک مکان مالک، اک ادار پرجاتنتروادی، ارکادی دا پیؤ.
• پاویل پیترووچ کرسانوو - نکولائی دا بھرا اتے امیری دا دمبھ کرن والا برجوا، جہڑا اپنے ستھریپن اتے گرو کردا ہے۔ لیکن اسدا بھرا سدھاروادی ہے۔ بھاویں اوہ ناستیواد پرتی سہنشیل ہے، اوہ بزاروو نوں نفرت کرن توں رہِ نہیں سکدا۔
• وسیلی اوانووچ بزاروو - بزاروو دا پتا، سیوامکت فوجی سرجن، اتے چنگا سکھئت اتے پربدھّ چھوٹا جیہا زمیدار ہے۔ ایپر، اوہ کئی ہور پاتراں دی طرحاں محسوس کردا ہے کہ پینڈو ماحول نے اسنوں آدھونک وچاراں نال سمپرک توں باہر کر رکھیا ہے۔ اس نے اک پرکار دے وشیش پرمپراواد نال وفاداری برقرار رکھی ہوئی ہے جو ربّ دے پرتی اتے اپنے پتر ییوگینی لئی سردھا وچّ ظاہر ہندی ہے۔
• ارینا ولاسیونا بزارووا - بزاروو دی ماں۔ 15 ویں صدی دے ماسکووی شیلی دے ابھجات ورگ دی اک بہت ہی پرمپراوادی عورت ہے: لوک کتھاواں اتے گھڑیاں گھڑائیاں گلاں نال اسرے روڑھیوادی عیسائی دھرم دی اک سچی سچی انوائی۔ اوہ دلی گہرائییاں وچوں اپنے بیٹے نوں پیار کردی ہے، لیکن اوہ استوں اتے ساریاں مانتاواں توں اس دے منکر ہون توں ڈری ہوئی وی ہے۔
• انھا سرگیئیونا اوڈنتسووا - اک دھنی ودھوا جو اپنی جائداد اتے اپنے ناستیوادی دوستاں دے منورنجن آیوجت کردی ہے۔
• کاتیرینا (کاتیا) سرگیئیونا لوکتیوا - انھا دی چھوٹی بھین۔ اوہ اپنی بھین دے نال سکھ آرام نال رہندی ہے، لیکن سوے-وشواس دی انہوند کارن اسنوں انھا سرگیئیونا دی چھایا توں بچنا مشکل ہے۔ اسے شرم کرکے اسدا اتے ارکادی دا پیار ہولی رفتار نال ساکار ہندا ہے۔
• پھیدوسیا (فینچکا) نکولائیونا - نکولائی دی نوکرانی دی دھی، جس نال اسدا پیار ہو جاندا ہے اتے ویاہ کرن تے اک بچے دا پتا بندا ہے۔ اوہناں دے ویاہ دے اڑکے ورگ انتر کرکے ہن، اتے شاید نکولائی دا پہلا ویاہ - پرمپراوادی ملاں دا بوجھ - وی ہے۔
• وکٹر ستنیکوو - بزاروو دا اک ہنکاری اتے اجڈّ دوست جو لوکوادی آدرشاں اتے سموہاں دے ڈھہے چڑھ جاندا ہے۔
• اودوتیا (ایودوکسیا) نیکتیشنا ککشینا - ایکس شہر وچّ رہندی اک مکت عورت۔ ککشینا مکت تاں ہے لیکن کجھ زیادہ ہی سنکی ہون کرکے، اپنی سمرتھا دے باو جود اک نمونے دی ناریوادی وجوں قابیل نہیں ہے۔

اتہاسی حوالے اتے ٹپنیاں

ترگنیف نے ایہہ ناول نوں اس دور وچّ لکھیا سی، جدوں روس وچّ تاناشاہ جار نکولائی پہلے دے دور دا انت ہویا سی اتے اتھے ساماجک تبدیلیاں انگڑائیاں لے رہیاں سن۔ 1830ویاں/1840ویاں دے روس وچّ اداروادیاں وچّ ودھ رہے پاڑے اتے ناستیوادی چڑھت دے دور دی نشاندیہی اس ناول وچّ قلم بند ہے۔ ہر دور دی طرحاں اس دور وچّ وی نویں پیڑھی اتے پرانی پیڑھی دے وچّ اک انتر دیکھن نوں ملدا ہے۔ نویں پیڑھی ہمیشہ نویں سوچ اتے نویں وچاراں دی ترف دار ہندی ہے اتے پرانی پیڑھی اسدا ورودھ ایہہ قہقے کردی ہے کہ ایہہ نیتیگت نہیں ہے۔ ناستیوادی ("پتر") اتے 1830ویاں/1840ویاں دے روسی اداروادی دونوں ہی روس وچّ پچھمی ڈھنگ دیاں تبدیلیاں دے پکھی سن۔ اس توں وی اگے ایہناں دوناں دا ٹکرا سلاوپریمیاں نال ہے، جنہاں دا خیال سی کہ روس دا رستہ اسدی روائتی روحانیت وچّ پیا ہے۔ اس ناول دے مول وچّ وی ایہی وچار رکھیا ہویا ہے۔

ناول دے سجیو پاتراں دے مادھئم نال انیویں صدی دے پہلے ادھ وچّ روس دی ساماجک ستھتی اتے بریکی نال پرکاش پایا گیا ہے۔ بزاروو، ارکادی نکولائی پیترووچ، پاویل پیترووچ ورگے وکھ-وکھ وچاراں والے پاتراں دے ذریعے اس گلّ نوں سپشٹ کرن دی کوشش کیتی گئی ہے کہ جار دے شاسن دے بعد لوکاں نوں کس کس طرحاں دے وچاردھارک اتے ساماجک سنگھرشاں دا ساہمنا کرنا پیا ہے۔ اس سبھ دے نال نال وکھ وکھ گھٹناواں دے ذریعے لیکھک نے کساناں دیاں حالتاں اتے وی پرکاش پایا ہے۔ ناول دا کیندری پاتر بجاروو ہے، جو روس دی اس دور دی ساماجک اتے مانسک سوچ دے بلکلّ الٹ ہے۔ اوہ اپنے آپ نوں ناستیوادی (کجھ وی نہیں) مندا ہے۔ اوہدے وچار اپنے سمیں توں بہت اگے ہن۔

اک نویں دور دی شروعات

ترگنیف دا ایہہ ناول وچاردھارا پکھوں دنیا بھر دے ساہت وچ اک وکھرا تھاں رکھدا ہے۔ اس رچنا توں روسی ساہت وچ وچار پردھان ناولاں دی ہوند قایم ہوئی۔ اس پکھوں روسی ساہت وچ ترگنیف نے اس روایت دی شروعات کیتی جو انگریزی ساہت وچ جارج الیئٹ نے کیتی سی۔

حوالے