پنجاب یونیورسٹی، چنڈی گڑھ

پنجاب یونیورسٹی، چنڈی گڑھ
معلومات
تاسيس	1882، relocated to Chandigarh in 1956
قسم	سرکاری
جغرافیائی وقوع
شہر	چنڈی گڑھ
دیس	بہار
ہور جانکاری
ویب سائٹ	www.puchd.ac.in

یونیورسٹی وکھے قایم فائین آرٹ میوزیئم

پنجاب یونیورسٹی پنجاب دی سرکاری یونیورسٹی اے ۔ چڑھدے پنجاب دے راجگڑھ شہر چنڈی گڑھ وچ واقعہ ایہ یونیورسٹی وگیان، ٹیکنولوجی، آرٹ ، سپورٹس ،سمیت مختلف کھیتراں وچ کورس تے جانچ پرکھ ڈگریاں مہیا کر دی اے ۔

پنجاب یونیورسٹی 1882 وچ لہور وچ قایم ہوئی سی۔ 1947 وچ پنجاب دی تقسیم توں بعد اس ناں توں سولان (ہماچل پردیش) وچ نویں یونیورسٹی قایم کیتی گئی تے 1956 وچ چنڈی گڑھ وچ ایہدا موجودہ کیمپس قایم کیتا گیا جو شہر دے 14 تے 25 سیکٹراں وچالے 550 ایکڑ تے پھیلیا ہویا اے ۔

تریخ

"اجومن -اے -پنجاب "تقریبن دو سو ممبراں دی ادبی مجلس ، جیہدی سرپرستی ڈاکٹر جی ڈبلیو لیٹنر کر رہے سن اس مجلس نے جون 20،1865 وچ پنجاب دے لیفٹینیٹ گورنر سر ڈولڈ میکلڈ نوں اک متا پاس کر کے" اوریئینٹل سکھیا تے کھیتری ادب دے پسار لئی "اوریئینٹل یونیورسٹی " دی ستھاپنا کرن لئی گزارش کیتی جیہدا ہیڈ کواٹر لہور وچ ہووے ۔ ادھر برٹش انڈیا دی اتری پچھمی اک ساکھا نے اس سنستھا دا مقام دلی وچ کرواؤن لئی کوشس کرنی شروع کر دتی ۔ پرنتو وائسرائے نے ایہدی پروانگی رد کر دتی ۔ اس ادبی مجلس نے اک لکھ روپیئے دی رقم اکٹھی کر کے اس سنستھا دا مقام لہور وچ ای رکھݨ لئی سرکار نوں دتا تے مئی ،1868 وچ اک وستھار پوربک کھرڑا بھارت سرکار نوں دے دتا ،سرکار نے 21،000/- روپیئے گورمیٹ کالج ،لہور نوں دیݨ دی منظوری دے دتی ۔ پرنتو سرکار ترنت یونیورسٹی ستھاپت کرنا نئیں سی چوہندی ۔ کافی کھتو کھتاب توں بعد "پنجاب یونیورسٹی کالج " دی ستھاپن کرنا من گئی ۔ نومبر 1880 وچ لارڈ رپن ،وائسرائے دی لہور وچ آمد سی ۔ اس موقعے پرمکھ سکھسیئتاں ،کھیتری امیر لوک ، صاحبزادے تے یورپیئن کرتا دھرتا نے اس آمد دا فائدہ چکدے ہوئے ، وائسرائے نوں یونیورسٹی دی ستھاپنا لئی رضامند کروا لیا ۔ لارڈ رپن نے سرکار دے مکھ سکتر نوں لیجسلیٹیو کونسل دی اکتوبر 1882 دی میٹنگ وچ پنجاب دے گورنر ولوں اینکارپوریسن ایکٹ دے ادھین 14 اکتوبر 1882 نوں پنجاب یونیورسٹی دا ایکٹ نمبر xix نال ستھاپنا کر دتا جو کہ برٹش انڈیا گزٹ وچ چھپ گیا تے مستر بدن پوبل پہلا آنریری وی سی تے ڈاکٹر جی ڈبلیو لٹنر پہلے رجسٹرار بݨے ۔ پنجاب دی ونڈ توں بعد پنجاب یونیورسٹی پاکستانی پنجاب دے حصے وچ چلی گئی ۔ 1947 توں بعد بھارتی پنجاب وچ اس ناں توں نویں یونیورسٹی بݨائی گئی ۔ 1956 وچ اس یونیورسٹی دا کیمپس چنڈی گڑھ وچ بݨایا گیا ۔

پڑھیار مرکز

1975 وچ افتتاح کیتے گئے اس پڑھیار مرکز وچ یونیورسٹی دے سٹوڈنٹ کونسل دے دفتر دے نال نال اک ہوٹل وی اے ۔

مشہور پڑھیار

• ہرگوبند کھرانا ( نوبل انعام وجیتا)
• شنکر دیال شرما ( بھارت دا نوواں صدر)
• من موہن سنگھ ( بھارت دے سابقہ پردھان منتری )
• اندر کمار گجرال ( بھارت دے سابقہ پردھان منتری )
• کلپنا چاولا ( خلا یاتری )
• سشما سوراج ( بھارت دی موجودا وزیر خارجہ)
• کرن بیدی ( بھارت دی پہلی مہلا آئی. پی. ایس. ادھیکاری )
• ببو مان ( مشہور پنجابی گائک )

حوالے