پنجابی میکسیکن امریکن

پنجابی میکسیکن امریکن کمیونٹی، جیہد‏‏ی اکثریئت یوبا سٹی، کیلیفورنیا وچ مقیم اے، اک مخصوص نسل اے جیہدیاں جڑھاں تقریبن اک صدی پہلاں ہوݨ آݪی ہِجرت دے انداز وچ موجود نيں۔ ایہناں ثقافتاں د‏‏ا پہلا میل 1907 وچ شاہی تے وسطی وادیاں وچ مغربی نصف کرہ دے سبھ تو‏ں وڈے آبپاشی دے نظام دے نیڑے ہوئی۔

اک پنجابی میکسیکن امریکی جوڑا، ویلنٹینا الواریز تے رولا سنگھ، 1917 وچ اپݨے ویاہ تصویر لئی پوز دے رہے نیں

پنجابی امیگریشن

ہور ویکھو: پنجابی امریکی

ویہويں صدی دے اوائل وچ کئی دہائیاں تک، پنجابی کاشتکار خانداناں نے اپݨے پُتراں نو‏‏ں پیسا کماؤݨ لئی واپسی دے ارادے ناݪ پنجاب تو‏ں باہر پعھیج دِتا۔، صرف کُچھ مرد اپݨیاں بیویاں تے خانداناں نو‏‏ں لے ک‏ے آئے، پ‏َر امریکا وچ بدلے ہوئے امیگریشن قوانین د‏‏ی وجہ تو‏ں پنجابی کارکناں دے خانداناں دے لئی اوہناں دے ناݪ شام‏ل ہوݨا ممکن نئيں سی۔ اس تو‏ں اگے، کَعھٹ اُجرت تے کم دے حالات نے پنجابی کارکُناں نو‏‏ں اپݨے وسائل جمع کرن، زمین لیز اُتے دیݨ تے اپݨیاں فصلاں اگاؤݨ اُتے آمادا کیتا، اس طرحاں شمالی کیلیفورنیا د‏‏ی نويں اُبھردی ہوئی کاشتکاری د‏‏ی معیشت وچ خود نو‏‏ں قائم کيتا۔

میکسیکن امیگریشن

تقریبن اک ملیئن میکسیکن تارکین وطن نے میکسیکن انقلاب توں فورن بعد 1910 د‏‏ی دہائی وچ امریکا وچ داخل ہوݨا شروع کیتا، جیہدی وڈی تعداد خانداناں د‏‏ی سی۔ ایہناں خانداناں د‏‏ی اک چھوٹی جئی تعداد پنجابی مرداں دے کھیتاں وچ کپاہ چُݨدی سی۔ خیال کيتا جاندا اے کہ پنجابی مرداں نے میکسیکن نسل د‏‏یاں سواݨیاں نو‏‏ں کئی وجوہات د‏‏ی بناء اُتے منتخب کيتا۔ میکسیکن سواݨیاں نو‏‏ں پعھوری یعݨی درمیانی رنگت سمجھیا جاندا سی، جداں کہ پنجابی مرد سن۔ کیلیفورنیا وچ نسلی ویاہواں اُتے پابندی نے پنجابیاں نو‏‏ں سیاہ فام یا سفید فام سواݨیاں ناݪ ویاہ کرن تو‏ں روک دِتا لیکن اوہناں نو‏ں میکسیکن سواݨیاں ناݪ ویاہ کرن د‏‏ی اجازت دِتی۔ میکسیکو د‏‏یاں سواݨیاں نے بِلکل پنجاب دے طرز زندگی، ايس‏ے طرحاں دے کھاݨے تے خاندانی اقدار دے ناݪ تے ایسے طرحاں اکو جئی مادی تے سماجی ثقافت نو‏‏ں برقرار رکھیا۔

آپسی ویاہ

پنجابی مرداں نے میکسیکن سواݨیاں مزدوراں ناݪ ویاہ کيتا تے بِلآخر ایہناں وچو‏ں تقریبن چار سو، دو نسلی جوڑے کیلیفورنیا د‏‏یاں زرعی وادیاں وچ جمع ہوئے۔ اگرچے ایہناں ویاہواں دی اکثریئت سینٹرل ویلی کیلیفورنیا وچ یوبا سٹی، سٹوکٹن، ساکرامنٹو تے نیو میکسیکو، نیواڈا، یوٹاہ، ایریزونا، یا ال پاسو وچ ہوئیاں۔ شوہر تے بیوی نے اک دوسرے ناݪ ابتدائی انگریزی یا ہسپانوی وچ گل کيتی۔ پنجابی مرداں نے میکسیکو دے زرعی مزدوراں ناݪ گل بات کرن تے اپݨیاں بیویاں ناݪ گل کرن لئی ہسپانوی بولی سِکھی۔ کچھ پنجابی مرداں نے ہسپانوی ناں یا عرفی ناں اپنائے۔

پنجابی ثقافت دے باپ دادا نے جو پہلو اپݨیاں بیویاں تے نیاݨےآں نوں منتقل کیتے اوہناں وچ کھاݨ پیݨ مذہبی طور طریقے شامل سی۔ گھر وچ کھاݨا پکاؤݨا، میکسیکن تے پنجابی دوناں کھاݨیاں توں حاصل کیتا گیا سی تے مرداں نے اپݨیاں بیویاں نوں چِکن سالݨ، روٹی تے مُختلف سبزیاں دے سالݨ بݨاؤݨا سکھایا سی۔ مثال دے طور تے یوبا سٹی وچ رسول خاندان ایل رینچیرو ریستوران چلاؤندا سی جو 1993 وچ بند ہوݨ توں پہلا کیلیفورنیا دا واحد میکسیکن ریستوران سی۔ جیہدے وچ چِکن سالݨ تے روٹی شامل سی۔