پلانک کوانٹم تھیوری

میکس پلانک نے 1900 چ کوانٹم تھیوری پیش کیتی۔ ایدے چ اونے انرجی دے اخراج تے سوک دے بارے چ دسیا۔ اس تھیوری دے مطابق انرجی غیر مسلسل طور تے چھڑی یا جزب کیتی جاندی اے۔ انرجی بوت چھوٹے یونٹاں دی بنی ہوندی اے جینا نوں کوانٹا کیندے نیں۔ اس تھیوری دیاں خاص گلاں اے نیں:-

• انرجی لگاتار نا ای خارج کیتی جاندی اے نا ای جزب کیتی جاندی اے۔ بلکہ انرجی غیر مسلسل طور تے خارج یا جزب کیتی جاندی اے تے اے موج دے پیکٹاں دی مورت چ ہوندی اے۔ ہر موج دے پیکٹ یا کوانٹم دی اک خاص تے پکی انرجی ہوندی اے۔ روشنی دی انرجی دے کوانٹم نوں فوٹون کیندے نیں۔
• تابکاری دے کوانٹم دی انرجی تابکاری دی فریکونسی (v) دے نال لاگ دار اے۔ فریکونسی اک سکنٹ چ کسے اک تھاں توں لنگن والیاں موجاں دی گنتی اے۔

E∝v

E=hv

اس مساوات چ 'h' نوں پلانک کانسٹنٹ کیندے نیں تے ایدی قیمت 6.626x10^-34Js اے۔ اے دراصل فوٹون دی انرجی تے فریکونسی دے درمیان ریشیو اے۔

• اک شے انرجی صرف کوانٹا دی شکل چ ای خارج یا جزب کرسکدی اے۔

E=hv

اک فوٹون دی فریکونسی 'v' تے ویولینتھ 'λ' دے درمیان اے مساوات ہوندی اے:-

v=c/λ

اس دے مطابق جنی بوتی ویولینتھ ہوۓ گی، اونی کٹ فوٹون دی فریکونسی ہوۓ گی۔ اس واسطے:-

E=hv

ویولینتھ دو اگلے پچھلے اتار یا چڑھاو دے درمیان دا فاصلہ ہوندا اے تے اینوں عام طور تے آنگسٹرام، نینو میٹر یا پیکو میٹر دے ناپ چ ظاہر کیتا جاندا اے۔

فوٹون دی جنی بوتی ویولینتھ ہوئے گی اوسے حساب نال اودھی انرجی کم ہوۓ گی۔ موج نمبر (ṽ) اک یونٹ لمبائی چ موجاں دی گنتی نوں کیندے نیں۔ اے موج دی لمبائی یا ویولینتھ دا الٹ ہوندا اے۔

ṽ=1/λ

λ دی قیمت اتے دتی گئی مساوات چ پا کے اسی اے مساوات بنا لیندے آں:-

E=hcṽ

فوٹون دی انرجی فریکونسی، ویولینتھ تے موج نمبر نال رلدی اے۔ فوٹون دا موج نمبر جینا بوتا ہوۓ گا اودی انرجی وی اونی زیادہ ہوۓ گی۔ اس تھیوری چ روشنی دے فوٹون دی انرجی، فریکونسی، ویولینتھ تے موج نمبر دے درمیان دتیاں گیاں مساواتاں نوں سینس گرو مندے نیں تے ایناں نوں بوہر نے اپنے ایٹمی ماڈل چ ورتیا۔