پاکستان آرڈیننس فیکٹریز

پاکستان آرڈیننس فیکٹریز پاکستان وچ پاک فوجی لئی ہتھیار تے گولہ برود بنانوالی فیکٹری اے۔ ایہ فیکٹری 1951 وچ اتری پنجاب دی تھاں واہ وج اساری گئی سی۔ ایہ ہن عام لوکاں تے بدیس لئی وی بناندی اے۔I

تریخ

برطانوی راج ویلے گولا برود بنان والیں فیکٹریاں ونڈ ویلے ہندستان وچ ہون باہجوں اوہدر ای رہ گیاں تے پاکستان نوں اپنی فوج دے اسلحے تے گولہ برود دی لوڑ پورا کرن لئی اپنی فیکٹریاں لان دی لوڑ پئی۔ دسمبر 1951 نوں اتری پنجاب دی تھاں واہ وچ ایس فیکٹری دا مڈھ رکھیا گیا۔ ایہ اسلام آباد توں 45 کلومیٹر دے پینڈے تے اے تے ہن ایتھے 14 فیکٹریاں دا اکٹھ اے ایہناں دے ہور رلویاں فیکٹریاں وی نیں۔ ایتھے امریکہ، برطانیہ، جرمنی، فرانس تے چین دی ٹیکنالوجی ورتی جاندی اے۔

اس وچ 40،000 لوک کم کردے نیں۔ ایتھے 72 وکھریاں شیویاں بندیاں نیں۔ ایہ پاکستانی فوج لئی جی-3 رائفل، ایم جی-3 مشین گن تے ایم پی-5 نکی مشین گن بناندی اے۔ اس دے نال نال ٹینکاں تے توپاں دے گولے وی ایتھے ای بندے نیں۔ ایتھے دا بنیا سمان بدیس وی جاندا اے۔

بارلے جوڑ

• ویب سائٹ