وی کے وِسمیا

ویلوا کورتھ وسمایا

ذا‏تی معلومات
شہریت	بھارتی
پیدائش	14 مئی، 1997,کنور، کیرلا

ویلوا کورتھ وسمیا (جم 14 مئی 1997) اک بھارتی سپرنٹر اے جس نوں 400 میٹر دی سپرنٹ وچ مہارت حاصل اے۔ اوہ بھارتی خواتین 4*400 میٹر دی رلیء ٹیم دا حصہ رہِ چکی اے، جس وچ اس نے 2018 ایشیئن کھیڈاں وچ سونے دا تمغہ حاصل کیتا۔ 2019 وچ ایشیئن اتھلیٹکس چیمپیئن شپ وچ وسمیایا نے عورتاں دے 4*400 میٹر رلیء اتے مکسڈ 4*400 میٹر رلیء وچ چاندی دے تمغے حاصل کیتے۔

وی۔ کے۔ وسمیا دوہا وچ 2019 عالمی اتھلیٹکس چیمپیئن شپ وچ بھارتی مکسڈ رلیء ٹیم دا حصہ رہی جس راہیں اوہ فائینل وچ کوالیفائی کر سکی اتے 2021 ثمر اولمپک وچ وسمیا دی تھاں پکی ہو گئی اے۔ اس نے اکتوبر 2019 وچ منعقد 59ویں قومی اوپن اتھلیٹکس چیمپیئن شپ وچ 400 میٹر وچ سونے دا تمغہ حاصل کیتا۔

نجی زندگی اتے پچھوکڑ

وی۔ کے۔ وسمیا دا جم 1997 وچ کیرل دے کنونر ضلعے وچ ہویا سی۔ ہائی سکول وچ اوہ انجینیئر بنن دا ارادہ رکھدی سی اتے سکھیا دے کھیتر وچ جڑے رہنا چاہندی سی۔ پر اس نے اپنی بھین وجشا دے نقشے قدماں تے چلدیاں اتھلیٹکس وچ حصہ لیا جو کہ اتھلیٹ بنن دی سکھلائی لے رہی سی۔ جدوں اوہ ایسّ۔ٹی۔ جارج ہائی سیکنڈری سکول کوٹھیمنگلم وچ 11ویں جماعت (2013) وچ پڑھ رہی سی تد اس نے دکھنی زون سکول ٹورنامینٹ وچ سون تمغہ جتیا۔

پڑھائی وچ اس دے بہترین مظاہرہ دے چلدے اس نوں اس دے منچاہے کالج وچ داخلہ ملیا، اوہ اک اجیہی ادارہ سی جس نوں سکھر دے اتھلیٹ تیار کرن لئی جانیا جاندا سی۔ حالانکہ وسمیا نے اپنے صوبے کیرلا لئی دو چاندی دے تمغے جتن دے باو جود کھیڈاں نوں اپنا کیریئر بناؤن وچ یقین نہیں کیتا سی۔ اپنی پڑھائی اتے کھیڈ نوں لے کے اوہ کافی دیر دچتی وچ رہی، پر آخرکار اس دے کوچاں اتے ازمپشن کالج دے کھیڈ ڈریکٹر نے اس نوں اتھلیٹکس نوں کتے وجوں چنن دی صلاحَ دتی۔

وی۔ کے۔ وسمیا دا پیؤ الیکٹریشیئن اتے اس دی ماں اک گھریلو خواتین سی۔ وسمیا دے پروار کول وتی سروت محدود ہی سن۔ اپنے کیریئر دی چون کردیاں وسمیا نوں انجینیئرنگ کالج وچ سیٹ لین توں پہلاں بہت اطلاع پیا۔ کیونکہ اس نے پڑھائی دے نال کھیڈاں دے کیریئر نوں وی اگے ودھاؤنا سی جو کہ اس نے اگے کرکے وی دکھایا۔ وسمیا کہندی اے کہ “اس دے ماپیاں لئی دو دھیاں دی حمایت کرنا سوکھا نہیں سی، پر پھر وی اوہناں نے اتھلیٹکس دی پیروی کرکے وسمایا دا پورے دل نال ساتھ دتا۔”

وی۔ کے۔ وسمیا نے اپنے کیریئر دی شروعات اک اڑکا (ہرڈل) سپرنٹر وجوں کیتی، پر اک سٹّ نے اس نوں ٹریک بدلن لئی مجبور کر دتا اتے اس نے ادھ-دوری دی دوڑاک وجوں سکھلائی شروع کیتی۔ سکول وچ کوئی سنتھیٹک ٹریک اتے جدید جم سہولتاں نہیں سن، اس نے چکڑ دیاں پٹڑیاں تے دوڑنا شروع کیتا جو کہ مونسون دے ویلے بہت سخت ہو جایا کردیاں سن۔

پیشہ ور کامیابیاں

وی۔ کے۔ وسمیاا دی زندگی وچ 2017 وچ اک نواں موڑ آیا جدوں اس نے آل انڈیا انٹر یونیورسٹی چیمپیئن شپ وچ25 سال پرانے ریکارڈ نوں توڑیا۔ 200 میٹر ریس وچ سونے دا تمغہ جت کے اتے اتھے ہی 400 میٹر وچ چاندی دا تمغہ وی حاصل کیتا جس توں بعد لوکاں نے اس نوں پچھاننا شروع کر دتا۔

جدوں اس نے انٹر یونیورسٹی وچ تمغے جتے، ادوں اس نوں قومی کپ لئی چنیا گیا جتھے اس نوں جدید سکھلائی سہولتاں دے نال-نال بہتر سکھلائی حاصل کرن لئی کوچ دی وی مدد ملی۔

اس دا پہلا وڈا شاندار پل جکارتا وچ 2018 ایشیئن کھیڈاں وچ آیا جتھے اوہ سونے دا تمغہ جتن والی بھارتی عورتاں دی 4*400 میٹر دی رلیء ٹیم دا حصہ سی۔

وسمیا، محمد اناس، نوح نرمل ٹوم اتے جسنا میتھیؤ، ایہناں چاراں دے گروہ نے دوہا وچ 2019 عالمی اتھلیٹکس چیمپیئن شپ وچ 4*400 میٹر دی مکسڈ ٹیم رلیء وچ مقابلہ کیتا، جتھے اوہناں نے فائینل لئی کوالیفائی کیتا اتے 2020 ثمر اولمپک وچ اپنی تھاں پکی کیتی۔

اکسال بعد 2019 وچ وسمیا نے چیکّ رپبلک تے برنو وچ اتھلیٹک میٹنگ وچ 52.12 سکنٹ دی لمبائی پوری کردیاں 400 میٹر دی دوڑ وچ گولڈ میڈل جتیا۔

تمغے

● ایشیائی کھیڈاں، 2018, جکارتا وچ 4*400 خواتین رلیء وچ سون تمغہ۔

● ایشیائی کھیڈاں، 2019, دوہا وچ 4*400 خواتین رلیء وچ چاندی دا تمغہ۔

● ایشیائی کھیڈاں، 2019, دوہا وچ 4*400 مکسڈ رلیء وچ چاندی دا تمغہ۔

● اتھلیٹک میٹنگ، 2019, برنو چیکّ رپبلک وچ 400 میٹر دی خواتین دوڑ وچ سون تمغہ۔

حوالے