وکیپیڈیا اک ایسا انسائکلوپیڈیا جیہدے وچ انسائکلوپیڈیا> گزٹ اَتے جنتری دیاں خوبیاں ہیگیاں نیں۔ مضمون ٹھیک ہونے چاہیدے نیں: بغیر حوالے توں دتی ہوئی گل مٹائی جاسکدی ہے اس لئی گزارش ہے کہ حوالہ وی دیو۔ وکیپیڈیا اپنی راۓ تجربہ یا گل بات دی جگہ نئی اے۔ نوی سوچ جیدی کوئی پرکھ نہ ہووے اوہدی ایتھے جگہ نہیں ہے۔ وکیپیڈیا تقریر کرن آلی، اشتہار لان آلی، لوک راج وچ پرکھاں یا پھوکیاں گلاں دی جگہ نہیں ہے۔ ایہہ اخبار نہیں ہے اَتے نہ ہی ڈاکومنٹ دی کوئی جگہ ہے۔ ایہناں کماں لئی وکیپیڈیا دے رلویں پراجیکٹ ہیگے نیں۔
پنجابی دی صحیح املاء لئی شاہ مکھی وچ املاء دیاں غلطیاں ویکھو۔ اپنی طرف توں لفظ نہ بناؤ بلکہ پہلے صحیح املاء سکھ لوو کہ کُجھ پنجابی الفاظ کیویں لکھے جاندے نیں۔
وکیپیڈیا متوازن سوچ دی جگہ ہے۔
وکیپیڈیا ساریاں واسطے کھلا ہے۔
وکیپیڈیا تے کم کرن لئی مناسب چال چلن دی لوڑ ہے۔ اپنے سنگی وکیپیڈین دی لاج رکھو بھاویں تہاڈی سوچ اوہناں نالوں وکھری ہووے۔ شریف بن کے کم کرو جھگڑیاں توں اَتے ذاتی لڑائیاں توں بچو۔ غلطیاں کرن توں نہ ڈرو جے کوئی غلطی ہو جاۓ گی اَتے اوہنوں ٹھیک کر لیا جاۓ گا۔
وکیپیڈیا تے کوۓ پکے پینڈے اصول نہيں اس لئی کسے مضمون نوں بدلدیاں ہوئیاں نہ چجکو۔
