وچولی

وچولی، سندھی دی اک بولی اے۔ ایہدا ایہ ناں ایہدے سندھ دے وچکار وچ ہوݨ دی وجہ توں پیا اے۔ وچولی ضلع حیدر آباد، ضلع سانگھڑ، ضلع نوابشاہ، ضلع مٹیاری تے ضلع دادو وچ تے آلے دوالے بولی جاندی اے۔ ایس بولی نوں سندھی دی معیاری بولی کہیا گیا تے ایس لئی ایہ دفتراں تے کتاباں وچ ورتی جاندی اے۔

وچولی دی اصطلاح ہر اس چیز لئی وی ورتی جاندی اے جیہدا تعلق وچکارلے علاقے توں ہووے، جِداں کہ لوک، کھاݨ پیݨ، رسم و رواج، روایات تے پہناوے وغیرہ۔ وچولی پنجابی لفظ "وچ" توں بݨیا اے، وچلا دا مطلب درمیانی یا اندرونی اے۔ ثالث نوں پنجابی وچ وچولا تے وچولی کہیا جاندا اے۔