نیو مون (ناول)

نیو مون

فائل:Newmooncover.jpg نیو مون دی کور تصویر
لکھاری	سٹیفنی میئر
باہرلے صفہ دا مصور	گیل ڈوبنن (ڈزائن) راجر ہیڈگن (چتر)
دیس	امریکہ
بولی	انگریزی
سلسلہ	ٹوائیلائیٹ لڑی
صنف	نوجوان-ساہت، فینٹسی، رمانس
چھاپن آلے	لٹل براؤن
تریخ اشاعت	ستمبر 6, 2006
قسم ذرائع ابلاغ	پرنٹ (ہارڈکور، پیپربیک) ای-بکّ (امیجن کنڈل) دھنی-روپی (سیڈی)
صفے	563
آئی ایس بی این	0-316-16019-9
او سی ایل سی	69104227
ایل سی درجہ بندی	PZ7.M5717515 New 2006
پچھلی	ٹوائیلائیٹ
اگلی	ایکلپس

نیو مون سٹیفنی میئر دا لکھیا امریکی ناول ہے| ایہہ ٹوائیلائیٹ لڑی دا دوجا ناول ہے جو اک ایلیغن دی اک انسان کڑی نال محبت دی کہانی ہے| ناول پہلے حصے دی مکی گھٹنا توں مڑ شروع ہندا ہے جد ایڈورڈ استوں دور چلا جاندا ہے| سٹیفنی میئر دے مطابق ایہہ ناول اک گواچے پیار دی کہانی ہے| سرلیکھ 'نیو مون' بیلا دی زندگی وچ اس نویں پکھ دا پرتیک ہے جو کہ مسیا پکھ دے ہنیرے وانگ ہنیر بھریا ہے| ناول ستمبر 6, 2006 نوں پہلی وار رلیز ہویا تے پہلی وار اسدیاں 100,000 کاپیاں چھپوائیاں گئیاں| رلیز ہندے سار ہی ایہہ ناول چرچہ دا موضوع بن گیا اتے نیویارک ٹائیمز اتے یوئیسٹوڈے دی بیسٹسیلر لسٹ وچ پہلے نمبر توں شروات کیتی' اتے 2008 وچ 5.3 ملیان کاپیاں بکن کارن ایہہ ودھیا بال کتاب وی بنی| ایہہ 2009 دی بیسٹ سیلر کتاب سی| ایہہ 38 بولیاں وچ ترجمہ ہو چکی ہے ۔ اس ناول نوں نقاداں ولوں وی سراہیا گیا تے اسنوں جدید پریت قصیاں وچوں اک اہم کہانی اعلانیا ۔ اس ناول اپر 2009 وچ اک فلم وی بنائی گئی جو کہ اسے ناں تے سی ۔

پلاٹ

ناول اسابیل سوان اتے ایڈورڈ کلن دی پریم-کہانی توں مڑ شروع ہندا ہے ۔ بیلا دے جنم دن اپر ایڈورڈ اتے اسدے پریوار والے بیلا لئی اک پارٹی رکھدے ہن ۔ جنم دن دا اک تحفہ کھولدیاں بیلا دے ہتھ اپر اک کٹّ لگّ جادا ہے تے خون وگن لگّ پیندا ہے۔ پشاچ ایلیئن کیونکِہ خون دے سہارے ہی جیوندے ہندے ہن، اسلئی اوہ خون ولّ تیزی نال راغب ہندے ہن| خون دی بو نال ایڈورڈ دا گود لیا بھرا جیسپر تیزی نال بیلا ولّ ودھدا ہے پر ایڈورڈ اسنوں روک لیندا ہے| ایہہ گلّ صاف ہو جاندی ہے کہ اک انسان دے اپنے آلے دوآلے ہندے ہوئے پشاچ اسنوں اپنا شکار بنن توں نہیں روک سکدے پر بیلا ایڈورڈ دی پریمکا ہون کارن اوہ اس نال اجیہا نہیں کرنا چاہندے سن| سو، کلین پریوار شہر چھڈّ دندا ہے اتے بیلا دی ایڈورڈ توں جدائی ہی اسدی نویں زندگی دی شروات ہے ۔ایہناں اوکھے پلاں وچ اوہ زندگی نوں مڑ جیون دی کوشش کردی ہے| اوہ بائک چلاؤن سکھدی ہے اتے اپنے پرانے دوست جیکوب نال نیڑتا ودھاؤندی ہے| اوہ جنا ایڈورڈ نوں بھلاؤن دی کوشش کردی ہے، اوہ اونا یاد آؤندا ہے۔ جیکوب نال رہکے اوہ ہولی ہولی ایڈورڈ نوں لگبھگ بھلّ چکی ہندی ہے پر اتیت مڑ اسدا دروازہ کھڑکا دندا ہے ۔ ایڈورڈ نوں اک رات سپنا آؤندا ہے کہ بیلا نے آتم-ہتیا کر لئی ہے| اوہ اسے نوں سچ منّ پشاچاں دے مکھی ولتری کول آؤندا ہے تے اسنوں سبھ کجھ دسّ دندا ہے تے موت منگدا ہے کیونکِ بیلا توں بنا اوہ ہن نہیں جیونا چاہندا| ولتری ایڈورڈ نوں دسدا ہے کہ بیلا ناں دی اک منکھی شے حالے وی ہے جسنوں پشاچاں دے راز پتہ ہن| اجیہی شے اوہناں دی ہوند لئی خطرناک سی۔ سو، ولتری ایڈورڈ ساہمنے دو وکلپ رکھدا ہے کہ جاں تے اوہ بیلا نوں مار دوے جاں پھر اسنوں وی پشاچ بنا دوے۔ انت وچ کلین پریوار بیلا نوں اپنے وچ ملاؤن لئی راضی ہو جاندا ہے|

ٹوائیلائیٹ لڑی

• ٹوائیلائیٹ (ناول) (Twilight)
• نیو مون (ناول) (New Moon)
• ایکلپس (ناول) (Eclipse)
• بریکنگ ڈان (ناول) (Breaking Dawn)

حوالے