نماز جنازہ

جنازہ نماز (عربی: صلاة الجنازة ) اسلامی موت دیاں رسماں دا حصہ اے؛ سارے رل کے فوت شدہ اتے سارے موئے مسلماناں نوں کھما کرن لئی کیتی جاندی اے۔  جنازہ نماز مسلماناں (فرض کفایہ) دی گروہی ذمہ واری اے، یعنی اگر کجھ مسلمان اس نوں کرن دی ذمیواری لیندے ہن، تاں ذمہ واری پوری ہندی اے، پر جے کوئی وی اس نوں پورا نہیں کردا، تاں سارے مسلمان جواب دہ ہونگے۔ 

اسلامی طریقہ ایہہ اے کہ میت نوں قبلہ-رو لٹا دتا جاوے۔ اکھاں بند کر دتیاں جان۔ نیم گرم پانی نال غسل کروا کے کفن پوایا جاندا اے۔ شہیداں نوں غسل نہیں دتا جاندا اتے نہ کفن پوایا جاندا اے۔ اوہناں نوں خون-آلودہ کپڑیاں وچ دفن کر دتا جاندا اے۔ لاش نوں چارپائی اتے لٹا دتا جاندا اے اتے میت نوں کندھیاں اتے رکھکے آہستہ آہستہ جنازے نوں لے جاندے ہن۔ کسے پاکیزہ مقام اتے جنازہ نماز پڑھی جاندی اے۔ اس نماز وچ سجدہ نہیں ہندا۔ صرف چار تکبیراں کہیاں جاندیاں ہن۔ پہلی تکبیر دے بعد ثناء، دوجی دے بعد درود شریف، تیجی دے بعد دعا پڑھدے ہن اتے چوتھی تکبیر دے بعد سلام پھیر دندے ہن۔ نماز دے بعد میت نوں قبلہ-رو کرکے قبر وچ دفن کر دتا جاندا اے۔ جنازے وچ شرکت فرض کفایا اے اتے جنازہ نماز وی فرض کفایا اے۔