میکس پلانک سوسائیٹی
| میکس پلانک سوسائیٹی Max Planck Society | |
| |
| بنی: | 26 فروری 1948 |
| کم: | مڈلی کھوج |
| صدر: | پیٹر گرس |
| دفتر: | برلن - میونخ |
| ویب سائیٹ: | [۱] |
میکس پلانک سوسائیٹی (جرمن:Max-Planck-Gesellschaft zur Förderung der Wissenschaften Eingetragener Verein) جرمنی دی اک سوسائیٹی اے۔ اے سرکاری نیں تے ناں ای اے نفے تے چلدی اے۔ اے جرمن کھوجی اداریاں دا اک جٹ اے۔ اینوں جرمن سرکار تے جرمنی دے 16 صوبے پیسے دیندے نیں۔
میکس پلانک سوسائیٹی دے 80 دے نیڑے ادارے لوکاں دے فیدے لئی سائینس سماجی سائینس آرٹس تے ہیومینیٹیز چ مڈلے ناپ تے کھوج کردے نیں۔ ایناں کول 13000 دے نیڑے پکے ملازم نیں جیدے چ 4700 سائینس گرو نیں تے ایدے نال 11000 دے نیڑے گجے یا پرونے کم کرن والے نیں۔ سوسائیٹی دا 2006 دا بجٹ 1۔4 بلین یورو سی۔ میکس پلانک سوسائیٹی نے اپنی اکھ سائینس چ ودیا کم تے رکھی اے۔ ایسی لئی سوسائیٹی دے سائنس داناں نیں 32 نوبل انعام وی جتے ہوۓ نیں۔
تریخ
سودھوسوسائیٹی 1911 چ قیصر ولیم سوسائیٹی دے ناں تے بنی۔ اے اوس ویلے دے جرمن شہنشاہ دے ناں تے بنی۔ وڈے سینسدان آینسٹائین، ورنر ہائیزنبرگ ایدے ڈریکٹر سن۔ 1946 چ اٹو ہاہن یدا صدر بنیا۔ 1948 چ ایدا ناں پلٹ کے ایدے پہلے صدر ممیکس پلانک دے ناں تے میکس پلانک سوسائیٹی رکھ دتا گیا۔
میکس پلانک سوسائیٹی دا ناں پورے جگ تے سائینس تے ٹیکنالوجی چ اک اگے ودویں تے کھوج لان والی منی پرمنی سوسائیٹی دا اے۔ لندن دے ٹائم ریسرچ ایجوکیشن نے یونیورسٹیاں توں بار ہون والی کھوج چ سائینس چ میکس پلانک سوسائیٹی دے کم نوں دنیا چ اک نمبر تے تے ٹیکنالوجی چ تیجے نمبر تے منیا اے۔ سوسائیٹی دی ویب سائیٹ 17 لکھ لوکاں نوں سالانہ اپنے ول کھچدی اے۔
سوسائیٹی دے صدر
سودھو- اٹو ہاہن
- ایڈلف بوتنانت
- رائیمر لست
- ہائینز سٹاب
- ہیوبرٹ مرکل
- پیٹر گرس