میر شیر محمد خان تالپور
| میر شیر محمد خان تالپور | |
|---|---|
| شیرِ سندھ | |
 میر شیر محمد خان تالپور تے انہاں دا خدمتگار | |
| حاکمِ میرپور خاص، سندھ | |
| راج ویلہ | 1836–1843 |
| پیشرو | میر علی مراد خان تالپور |
| جانشین | - |
| نسل | میر فتح خان تالپور
میر امام بخش خان تالپور میر نبی بخش خان تالپور |
| خاندان | تالپور |
| پیؤ | میر علی مراد خان تالپور |
| جم | مئی 17، 1810 میرپور خاص، سندھ |
| موت | اگست ۲۴, ۱,۸۷۴ (عمر 64 سال) میرپور خاص، بمبئی پریزیڈنسی، برطانوی راج |
| دفن | چٹوڑی قبرستان |
مير شير محمد خان تالپور میرپور خاص، سندھ دے مانکانی تالپور خاندان دے آخری حکمران سن ۔ مير شير محمد خان تالپور نوں اپنی بہادری تے حب الوطنی دے لئی ”شيرِ سندھ“ دے لقب توں ياد کيتا جاندا اے۔ آپ نے حيدرآباد وچ ايسٹ انڈيا کمپنی دی فوج دے قبضے دے بعد سندھ دی آزادی دی پہلی جنگ 24 مارچ 1843ء وچ دُبی دے ميدان وچ انگريزاں توں لڑی تے سندھ دی آزادی دے لئی جدوجہد دی بنياد رکھی۔
مڈھلا جیون سودھو
میر شیر محمد خان دا جنم، 17 مئی 1810ء نوں میرپور خاص دے مانکانی تالپور خاندان دے حاکم میر علی مراد خان تالپور دے گھر ہويا۔ آپ دی تعلیم دے لئی ہالا دے قاضی خاندان توں، اس و قت دے وڈے عالم تے فاضل آپ دے اتالیق مقرر کیتے گئے۔ میر صاحب نوں اپنی مادری بولی سندھی، سرائیکی تے بلوچی دے علاوہ فارسی تے عربی دی تعلیم وی ملی۔ میر صاحب انہاں زباناں وچ ماہر سن ۔ میر صاحب دا رنگ گورا، قد درمیانہ مناسب، چہرہ کشادہ سی۔ طبیعت شوخ، گفتگو وچ کم تے حشمت والے سن ۔
تخت نشینی سودھو
1836ء وچ میرپور خاص وچ آپ دی تخت نشینی ہوئی، جس دے بعد تمام سندھ دے پیر تے سجادہ نشین، میر تے امیر، تے بلوچ سردار آپ دے والد دی فاتحہ خوانی پہ آئے سن ۔ جنہاں نے آپ نوں دستار پہنائی، ایہ رسم نہایت شاہانہ نمونے وچ منائی گئی۔