مچھر دانی

مچھر دانی (Mosquito net) بریک جاݪی دار کپڑ‏ے دا بݨیا ہویا، تنبو ورگا غلاف یا پردا ہُندا اے ۔ مچھر دانی عمومن درمیانے موسم وچ جد مچھراں دی بہتات ہُندی اے، اُدوں رات نوں سوݨ ویلے سوݨ آݪے تھاں، پلنگ یا منجے اُتے لائی جاندی اے تاکہ مچھر دور رہݨ تے انسان دے پِنڈے اُتے نہ لڑ سکݨ ۔ مچھر دانیاں انسان نوں ملیریا، ڈینگی تاپ، زیکا وائرس سمیت ہور بہت ساریاں بیماریاں توں محفوظ رَکھدی اے ۔

مچھر دانی

لٹکوݨ آݪی مچھر دانی

زِپ آݪی خیما نما مچھر دانی

ڈنڈے آݪی مچھر دانی

احتیاطی تدبیراں

مچھر دانی نوں موثر بݨوݨ لئی ضروری اے کہ مچھر دانی ہر پاسیوں بند ہووے کوئی کونا کُھدرا کھُلا نہ رہوے ۔ مچھر دانی دی جاݪی اِنی بریک ہوݨی چاہیدی اے کہ مچھر دی جسامت توں زیادہ بریک سراخ ہوݨ ۔ مچھر دانی لاوݨ توں پہلاں کوئی مچھر متعلقہ تھاں اُتے موجود نہ ہووے ۔

مچھر دانیاں دیاں قِسماں

مچھر دانیاں بناوٹ دے لحاظ ناݪ مُختلف قِسماں دیاں ہُندیاں نیں :

• لٹکوݨ آݪی مچھر دانی
• ڈنڈےآں آݪی مچھر دانی
• زِپ آݪی فولڈنگ مچھر دانی

تصویر گیلری

• 
• 
• 
• 
•