مونیکا علی

مونیکا علی
جم	20 اکتبر 1967 ‏(عمر: ۵۷ سال) ڈھاکا، مشرقی پاکستان (ہن بنگلہ دیش)
کم کِتہ	لکھاری، ناول کار
قومیت	بریٹیش
نسل	بنگالی-انگریزی
تعلیم	فلاسفی، سیاسیات اتے معاشیات
مادر علمی	وادھام کالج آکسفورڈ یونیورسٹی
سواݨی	Simon Torrance
نیاݨے	2

مونیکا علی (جم 20 اکتوبر 1967) بنگلہ دیش وچ پیدا ہوئی بریٹیش لکھاری اے۔ اس دی مشہوری اپنے پلیٹھے ناول برک لین کارن ہوئی۔ 2003 وچ گرانٹا میگزین نے اس نوں اس ناول دے انشائع کھرڑے دے بنیاد تے "سبھ توں ودھیا نوجوان بریٹیش ناولکاراں" وچوں اک دے طور تے چنیا سی۔ بعد وچ اسے سال ایہہ شائع کیتا گیا سی۔ پھر ایہہ 2003 وچ ہی مین بکر انعام لئی نامزد کیتا گیا۔ 2007 وچ اس تے مشتمل اسے نام دی فلم بنائی گئی ۔ اوہ تن ہور ناول وی شائع کر چکی اے۔

شروعاتی جیون اتے سکھیا

علی دا جم اک بنگلادیشی پیؤ اتے انگریزی ماں دے پروار وچ 20 اکتوبر 1967 نوں ڈھاکا، مشرقی پاکستان (ہن بنگلہ دیش) وچ ہویا سی۔ اوہ اجے تن سال دی عمر دے سی جدوں اوہ اپنے ماں-پیؤ نال برطانیہ وچ آ گئی۔اس دا پیؤ میمن سنگھ ضلعے دا مول واسی اے۔اس نے بولٹن دے پرائمری سکول توں مڈھلی پڑھائے کیتی اتے پھر فلاسفی، سیاسیات اتے معاشیات تے دی اچّ سکھیا وادھام کالج، آکسفورڈ توں حاصل کیتی۔

برک لین

برکّ لین دا نام لندن دے بنگلادیشی بھائیچارے دی وسوں والے علاقے دی اک مکھ گلی دے نام توں لیا گیا اے۔ ایہہ نازنین نامی اک عورت دی کہانی اے جو چنو نام دے اک نوجوان دے نال ویاہ دے بعد 18 سال دی عمر وچ بنگلا دیش دے اک پنڈ توں لندن دے مشرقی علاقے برک لین وچ رہن آؤندی اے۔ ایہہ اوہ علاقہ اے جس وچ بنگلا دیشی پرواسیاں دی وڈی تعداد آباد اے اتے جتھے غربت اتے ہور مسئلے عامَ ہن۔ نازنین خاموشی نال گھر دے کم اتے خاوند دی خدمت وچ لگی رہندی اے اتے آہستہ آہستہ اس نوں اس اجنبی ماحول دی سمجھ آؤن لگدی اے

چنو نوں تعلیم-یافتہ ہون دے باو جود چنگی نوکری نہیں ملدی۔ نازنین خود اک کپڑے بناؤن والی فیکٹری لئی سلائی دا کم گھر توں کرن لگدی اے اتے اسے طرحاں اس دی کریم نال ملاقات ہندی جو اس دے کول سلائی دا کم لے کے آؤندا اے۔ کریم دے ذریعے نازنین نوں برطانیہ وچ مسلمان نوجواناں دے مسئلیاں اتے اوہناں نوجواناں دا اسلام دے نام اتے اپنے آپ نوں جتھیبند کرن دے جذبے دا پتہ لگدا اے۔

نازنین دی کہانی دے نال اس دی بھین حسینہ دی کہانی وی اس دیاں بنگلا دیش توں آؤندیاں چٹھیاں دے ذریعے بیان کیتی گئی اے۔ حسینہ دوناں بھیناں وچوں زیادہ خوبصورت سی اتے اسنے اپنی مرضی نال ویاہ کیتا سی۔ ظکلم شوہر توں چھٹکارا پاؤن لئی اوہ گھروں بھجّ جاندی اے اتے ڈھاکا وچ اسنوں ہور مشکلاں اتے ظلماں دا ساہمنا کرنا پیندا اے۔

حوالے