مصنوعی بارش

مصنوعی بارش (artificial rainfall) جیہنوں پلوی کلچر( pluviculture) دے نام ناݪ وی جاݨیا جاندا اے، عام طور تے خشک سالی یا وسیع گلوبل وارمنگ نوں روکݨ لئی مصنوعی طور تے ترسیب پیدا کرن یا ودھاؤݨ دی کوشش دا عمل اے۔ بدݪاں دی مختلف طبعی خصوصیات دے مطابق ایہ ہوائی جہازاں یا راکٹاں دا استعمال کردے ہوئے بدݪاں اُتے بوݨ لئی خشک برف، سِلور آئیوڈائیڈ تے نمک دے پاؤڈر ورگے اتپریرک (catalysts) دے ناݪ کیتا جا سکدا اے۔ بدݪاں توں بارش برساؤݨ یا بارش ودھاؤݨ، کھیت دی خشک سالی نوں دور کرن، آبپاشی واسطے پاݨی دی فراہمی دی صلاحیت نوں ودھاؤݨ، پن بجلی پیدا کرن لئی پاݨی دی سطح نوں ودھاؤݨ لئی یا گلوبل وارمنگ دے مسئلے دے حل کرن لئی ایہ عمل کیتا جاندا اے۔