مزاح

مزاح (انگریزی: Humour) اک ادبی صنف اے، جیہڑی نثری تے شعری، دوواں صُورتاں وچ ہو سَکدی اے۔ مزاح دا مطلب ہاسّا مخَول، ٹھٹّھا یا مذاق اے۔ ہجو، لطیفہ، طنز وغیرہ مزاح دِیاں وَکھ وَکھ شکلاں نیں۔

ہاسّا اِنسانی جبِلّت وِچ شامل اے، ایس جبِلّت دا اظہار تخلِیقی سطَح اُتے ہووے تاں مزاح جنم لین٘دا اے۔ مزاح دے ذِریعے زِندگی وچ اک نوِیں امَن٘گ جگائی جا سَکدی اے۔ طنز و مزاح دے ذِریعے زِندگی وچ روݨق پَیدا کرن دا کَم لیا جان٘دا اے تے زِندگی نُوں خوشگوار بݨاؤݨ لئی ایہنُوں حربے دے طَور تے ورتیا جان٘دا اے۔